హోమ్

బాక్సాఫీస్

హైదరాబాద్‌: శుక్రవారం విడుదలైన బాలకృష్ణ చిత్రం 'లెజెండ్‌' కి భారీ వసూళ్లు దక్కాయి. తొలి మూడు రోజులూ హౌస్‌ఫుల్‌ బోర్డులతో థియేటర్లు కళకళలాడాయి. 'సింహా' రికార్డులను ఈ చిత్రం బద్దలు కొడుతోంది..' అంటూ చిత్రబృందం సంతోషం వ్యక్తం చేస్తోంది. ఈ చిత్రం ఆంధ్రప్రదేశ్ లోనే కాకుండా యుఎస్ లో కూడా కలెక్షన్స్ వర్షం కురిపిస్తోందని ట్రేడ్ వర్గాల సమాచారం.

మొదటి వీకెండ్ లో..2.15 కోట్లు($ 357,829) షేర్ కలెక్ట్ చేసి రికార్డ్ క్రియేట్ చేస్తోంది. బాలకృష్ణ కెరీర్ లో మొదటి వీకెండ్ ఈ రేంజ్ కలెక్షన్స్ రావడం ఇదే మొదటిసారి కావటంతో అభిమానులు ఆనందోత్సాహాలతో తలములకలవుతున్నారు. ఈ చిత్రం యాభై కోట్ల మైలు రాయిని ఈజీగా చేరుకుంటుందని చెప్తున్నారు.

ప్రమోషన్ లో భాగంగా ఈ చిత్రం యూనిట్ సింహా యాత్రను చేయనున్నారు. యాత్రలో భాగంగా కొన్ని దేవాలయాలను, కొన్ని థియోటర్స్ కి వెళ్లి ప్రేక్షకులను కలవటానికి సన్నాహాలు చేస్తున్నారు. శక్తివంతమైన నాయకుడికి ప్రతిరూపంగా బాలకృష్ణ ఇందులో కనిపించారు. ప్రస్తుత సమాజ స్థితిగతుల్ని సునిశితంగా పరిశీలించి దర్శకుడు ఈ కథని సిద్ధం చేసుకున్నారు. బాలకృష్ణను 'సింహా'గా చూపించిన బోయపాటి మరోసారి ఆ స్థాయిలో చూపించారు. బాలకృష్ణ పలికే ప్రతి సంభాషణ.. అభిమానుల్ని అలరిస్తోంది.

పూర్తి కమర్షియల్ అండ్ ఫ్యామిలీ ఎంటర్టెనర్‌గా తెరకెక్కిన ఈ చిత్రంలో సామాజిక అంశాలకు పెద్ద పీట వేసారు దర్శకుడు బోయపాటి శ్రీను. దర్శకుడు బోయపాటి ఈ చిత్రాన్ని బాలయ్య రాజకీయ భవిష్యత్‌కు ఉపకరించేలా రూపొందించారు. బాలయ్య అభిమానులను, తెలుగు దేశం పార్టీలను అలరించేలా సినిమాలో డైలాగులు ఉండటంతో మంచి స్పందన వస్తోంది, కొన్ని సన్నివేశాలు కూడా బాలయ్య అభిమానుల్లో జోష్ నింపే విధంగా ఉన్నాయి.