నిరాశ పరుస్తున్న బందోబస్త్ కలెక్షన్స్.. మరీ ఇంత దారుణమా!

తొలిరోజే నిరాశ

హీరోగా సూర్యకు తమిళంతో పాటు తెలుగులో కూడా మంచి మార్కెట్ ఉండేది. కానీ బందోబస్త్ సీన్ అలా కనిపించలేదు. సినిమా పాజిటివ్ టాక్ తెచ్చుకున్నప్పటికీ తొలిరోజే కలెక్షన్స్ పరంగా నిరాశ పర్చింది. దీంతో సూర్య స్టామినా ఇంతలా పదడిపోయిందా అనుకుంటున్నారంతా.

రెండు తెలుగు రాష్ట్రాల్లో

ఒకప్పుడు తెలుగు స్టార్ హీరోలకు సైతం పోటీ ఇచ్చిన సూర్య ఈ సారి మాత్రం తొలిరోజు కోటి రూపాయలతో సరిపెట్టుకున్నాడు. తొలిరోజు రెండు తెలుగు రాష్ట్రాల్లో కలిపి కేవలం కోటి రూపాయల షేర్ మాత్రమే రాబట్టింది బందోబస్త్ సినిమా. ఇక రెండో రోజు విషయానికొస్తే ఆ లెక్కలు మరింతగా పడిపోయాయి.

రెండో రోజు కలెక్షన్ రిపోర్ట్

మొదటి రోజు కోటి రాబట్టింది కాబట్టి రెండో రోజు కనీసం 60 నుంచి 70 లక్షల షేర్ అయినా వస్తుందని అంతా భావించారు. కానీ అందరికీ షాక్ ఇస్తూ కేవలం 28 లక్షల షేర్ మాత్రమే రాబట్టింది బందోబస్త్. దీంతో సూర్య అభిమానులు కాసింత నిరాశకు లోనయ్యారు.

ఆ ఛాయలు కూడా కనిపించడం లేదుగా

తెలుగులో 'బందోబస్త్' ప్రీ రిలీజ్ బిజినెస్ 9 కోట్ల మేర జరిగింది. సో బ్రేక్ ఈవెన్ సాధించాలంటే 10 కోట్ల షేర్ రాబట్టాల్సి ఉంటుంది. కానీ ప్రస్తుతం కలెక్షన్స్ చూస్తుంటే దానికి దగ్గరగా వెళ్లే సూచనలు కూడా కనిపించడం లేదు. దీంతో ఓ పెద్ద హీరో సినిమా కలెక్షన్స్ మరీ మరీ ఇంత దారుణమా! అని ఆశ్చర్యపోతున్నారు ట్రేడ్ విశ్లేషకులు.