Bangarraju 17 Days Collections: భారీగా పెరిగిన బంగార్రాజు వసూళ్లు.. హిట్ అవ్వాలంటే అది జరగాల్సిందే

సంక్రాంతి బరిలోకి అక్కినేని స్టార్లు

అక్కినేని నాగార్జున, నాగ చైతన్య కలయికలో కల్యాణ్ కృష్ణ కురసాల రూపొందించిన చిత్రమే 'బంగార్రాజు'. సోగ్గాడే చిన్ని నాయన చిత్రానికి ఇది సీక్వెల్‌గా వచ్చింది. ఇందులో రమ్యకృష్ణ, కృతి శెట్టి హీరోయిన్లుగా చేశారు. దీన్ని అన్నపూర్ణ స్టూడియోస్, జీ స్టూడియోస్ బ్యానర్లపై నాగార్జున నిర్మించారు. అనూప్ రూబెన్స్ సంగీతం అందించిన ఈ మూవీ సంక్రాంతికి రిలీజ్ అయింది.

బంగార్రాజు మూవీ బిజినెస్ డీటేల్స్

అక్కినేని హీరోల మార్కెట్ ప్రకారం 'బంగార్రాజు' హక్కులకు పోటీ ఏర్పడింది. దీంతో నైజాంలో రూ. 11 కోట్లు, సీడెడ్‌లో రూ. 6 కోట్లు, ఆంధ్రా మొత్తంలో రూ. 17.80 కోట్లతో రెండు రాష్ట్రాల్లో కలిపి రూ. 33.80 కోట్లు బిజినెస్ జరిగింది. అలాగే, కర్నాటక ప్లస్ రెస్టాఫ్ ఇండియాలో రూ. 2.17 కోట్లు, ఓవర్సీస్‌లో రూ. 2.20 కోట్లుతో ప్రపంచ వ్యాప్తంగా రూ. 38.17 కోట్లు బిజినెస్ అయింది.

17వ రోజు వచ్చిన కలెక్షన్ల వివరాలు

ఆంధ్రా, తెలంగాణలో 'బంగార్రాజు' మూవీకి 17వ రోజు కలెక్షన్లు బాగా పెరిగాయి. ఫలితంగా నైజాంలో రూ. 5 లక్షలు, సీడెడ్‌లో రూ. 8 లక్షలు, ఉత్తరాంధ్రలో రూ. 5 లక్షలు, ఈస్ట్‌లో రూ. 4 లక్షలు, వెస్ట్‌లో రూ. 3 లక్షలు, గుంటూరులో రూ. 3 లక్షలు, కృష్ణాలో రూ. 3 లక్షలు, నెల్లూరులో రూ. 2 లక్షలతో రెండు రాష్ట్రాల్లో 17వ రోజు రూ. 33 లక్షలు షేర్, రూ. 55 లక్షలు గ్రాస్ వచ్చింది.

17 రోజులకు కలిపి వచ్చింది ఎంత

'బంగార్రాజు'కు 17 రోజులకు కలిపి ఏపీ తెలంగాణలో కలెక్షన్లు బాగానే వచ్చాయి. దీంతో నైజాంలో రూ. 8.25 కోట్లు, సీడెడ్‌లో రూ. 6.75 కోట్లు, ఉత్తరాంధ్రలో రూ. 5.13 కోట్లు, ఈస్ట్‌లో రూ. 4.09 కోట్లు, వెస్ట్‌లో రూ. 2.87 కోట్లు, గుంటూరులో రూ. 3.41 కోట్లు, కృష్ణాలో రూ. 2.23 కోట్లు, నెల్లూరులో రూ. 1.74 కోట్లతో.. రూ. 34.47 కోట్లు షేర్, రూ. 56 కోట్లు గ్రాస్‌ను రాబట్టింది.

ప్రపంచ వ్యాప్తంగా వచ్చింది ఎంత?

17 రోజులకు ఆంధ్రా, తెలంగాణలో కలిపి రూ. 34.47 కోట్లు వసూలు చేసిన బంగార్రాజు.. మిగిలిన ప్రాంతాల్లో పెద్దగా రాణించలేదు. ఫలితంగా రెస్టాఫ్ ఇండియాలో రూ. 1.76 కోట్లు, ఓవర్సీస్‌లో రూ. 1.48 కోట్లను రాబట్టింది. దీంతో ప్రపంచ వ్యాప్తంగా అన్ని ఏరియాల్లో కలిపి ఈ సినిమా 17 రోజుల్లో రూ. 37.71 కోట్లు షేర్‌తో పాటు రూ. 63.35 కోట్ల గ్రాస్‌ను సొంతం చేసుకుంది.

టార్గెట్ ఎంత? ఇంకెంత రావాలి?

క్రేజీ కాంబినేషన్‌లో వచ్చిన 'బంగార్రాజు' అంచనాలకు అనుగుణంగానే ప్రపంచ వ్యాప్తంగా రూ. 38.15 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 39 కోట్లుగా నమోదైంది. ఇక, ఈ సినిమా 17 రోజుల్లో రూ. 37.71 కోట్లు వసూలు చేసింది. అంటే మరో రూ. 1.29 కోట్లు వస్తేనే బంగార్రాజు మూవీ హిట్‌ స్టేటస్‌‌ను అందుకుంటుంది.