'బతుకమ్మ' బతికింది

By Staff

Published: Wednesday, March 11, 2026, 5:49 [IST]

క్రిందటి వారం కె.రాఘవేంద్రరావు దర్శకత్వంలో బాలకృష్ణ నటించిన 'పాండురంగండు' చిత్రం మాత్రమే తెలుగులో రిలీజైంది. దాంతో ఈ సమ్మర్ సినిమాల సందడి ముగిసినట్లైంది. చిత్రం బయిట ఫర్వాలేనిపించుకునే టాక్ తెచ్చుకున్నా కలెక్షన్స్ మాత్రం టాక్ కి తగిన రీతిలో రావటం లేదు. ఇక 'బుజ్జిగాడు' డిజాస్టర్ టాక్ తెచ్చుకున్నా కలెక్షన్స్ యావరేజిగా ఉండి పూరీ గత చిత్రాల స్టామినా ను తెలుపుతున్నాయి. ఇక పరుగు, కంత్రి అంతంత మాత్రంగా ఉండి బి.సి.సెంటర్స్ లో కూడా వర్కవుట్ అయ్యే వాతావరణం కనపడుటం లేదు. ఆ నిర్మాతలే మాకు ఇంతొచ్చింది...అంతొచ్చింది అని చెప్పుకోవాల్సి వస్తోంది. ఇక మొదట ఫ్లాప్ అనుకున్న 'బ్రతుకమ్మ' చిత్రం విచిత్రంగా పుంజుకుంది.

సింధూ తులానీ నాయికగా నటించిన 'బతుకమ్మ' సినిమా తెలంగాణలో 9 ప్రింట్లతో విడుదలయ్యింది. తెలంగాణ ప్రజల ఆరాధ్య దైవమైన బతుకమ్మ కథను ఆధారం చేసుకుని దర్శకుడు టి. ప్రభాకర్ ఈ సినిమాని రూపొందించారు. కాగా రోజురోజుకూ ప్రజాదరణ పెంచుకుంటూ వస్తున్న ఈ సినిమా ప్రింట్ల సంఖ్య నేడు 25కు చేరింది. నంది అవార్డు విజేత అందెశ్రీ మాటలు, పాటలు రాసిన ఈ చిత్రానికి దర్శకుడు ప్రభాకర్ సంగీతాన్ని కూడా సమకూర్చారు. దసరా మాదిరిగానే అక్టోబరులో తెలంగాణ ప్రజలు బతుకమ్మ పండుగను ఘనంగా జరుపుకుంటారు. అంత ప్రాధాన్యత వున్న బతుకమ్మ కథతో వచ్చిన సినిమా కాబట్టి వారు 'బతుకమ్మ'ను ఆదరిస్తున్నారు.

More from Filmibeat