Don't Miss!
- Sports చరిత్ర సృష్టించిన KL రాహుల్.. ధోనీ రికార్డు బ్రేక్
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
Beast 8 days collections.. KGF2 దెబ్బకు విలవిల.. ఎన్ని కోట్ల నష్టమంటే?
తమిళ సూపర్ స్టార్ విజయ్ నటించిన బీస్ట్ చిత్రం బాక్సాఫీస్ వద్ద చతికిలపడింది. రిలీజ్కు ముందు విడుదలైన టీజర్లు, ట్రైలర్లు, పాటలు సినిమాపై భారీ అంచనాలు పెంచాయి. మూవీ రిలీజ్ తర్వాత అంచనాలు కనీసం కూడా చేరుకోలేకపోయాయనే విమర్శ వచ్చింది. సినిమాకు సంబంధించిన సబ్జెక్ట్, స్క్రీన్ ప్లే సరిగా లేకపోవడం, అదే సమయంలో ప్రపంచవ్యాప్తంగా KGF Chapter 2 హవా కొనసాగడంతో బీస్ట్కు ప్రతికూలంగా మారింది.
తొలి రెండు రోజుల్లో సుమారు 70 కోట్లు సాధించిన చిత్రం ఆ తర్వాత ఆ జోష్ను కొనసాగించలేకపోయింది. రెండో వారంలో కేజీఎఫ్2 కోసం అదనంగా 150 స్క్రీన్లను పెంచారు. అలాగే బీస్ట్ సినిమాకు సంబంధించి 200 స్క్రీన్లను తగ్గించారు.
బీస్ట్ చిత్రం ప్రపంచవ్యాప్తంగా మూడో రోజు 15.80 కోట్లు, నాలుగో రోజు 13.51 కోట్లు, ఐదో రోజు 13.21 కోట్లు, ఆరో రోజు 3.60 కోట్లు, 7వ రోజు 2.55 కోట్లు సాధించింది. అయితే రెండోవారంలో తమిళనాడులో థియేటర్ల సంఖ్య కుదించడంతో బీస్ట్ కలెక్షన్లు భారీగా క్షీణించాయి. ఎనిమిదో రోజున కేవలం 1.78 కోట్లు మాత్రమే వసూలు చేసింది.
ఇక ఎనిమిది రోజుల్లో వివిధ భాషల్లో బీస్ట్ చిత్రం సాధించిన కలెక్షన్ల వివరాలు ఇలా ఉన్నాయి. తమిళనాడులో 102 కోట్ల గ్రాస్, తెలుగు రాష్ట్రాల్లో 12.53 కోట్ల గ్రాస్, కర్ణాటకలో 10.10 కోట్లు, మిగితా రాష్ట్రాల్లో 3.30 కోట్లు, ఓవర్సీస్లో 60.30 కోట్లు రాబట్టింది. దీంతో ఈ చిత్రం ప్రపంచవ్యాప్తంగా 201.3 కోట్ల గ్రాస్, 102 కోట్ల షేర్ నమోదు చేసింది.
ఇదిలా ఉంటే, బీస్ట్ చిత్రానికి సంబంధించిన ప్రీ రిలీజ్ బిజినెస్ భారీగానే నమోదైంది. ప్రపంచవ్యాప్తంగా ఈ చిత్రం 125 కోట్ల మేర బిజినెస్ చేసింది. ఈ సినిమా లాభాల్లోకి రావాలంటే.. ఇంకా 25 కోట్ల మేర రాబట్టాల్సిన అవసరం ఉంది. ఇక తెలుగులో ఈ సినిమా ప్రీ రిలీజ్ బిజినెస్ 10 కోట్లుగా నమోదైంది. అయితే ఇప్పటి వరకు సుమారు 7 కోట్లు వసూలు చేసింది. ఇంకా 3 కోట్లు వసూలు చేయగలిగితే బ్రేక్ ఈవెన్ సాధించే అవకాశం ఉంది.