యూఎస్ఏ బాక్సాఫీస్: ‘భరత్ అనే నేను’ వర్సెస్ ‘రంగస్థలం’, ఎవరు టాప్ అంటే...

భరత్ అనే నేను తొలివారం

భరత్ అనే నేను చిత్రం తొలి వారం యూఎస్ఏ బాక్సాఫీసు వద్ద $2,789,819 వసూలు చేసింది. ఈ మధ్య పెద్ద సినిమాలేవీ రిలీజ్ కాకపోవడంతో సెకండ్ వీక్‌లోనూ 193 స్క్రీన్లలో ప్రదర్శించే చాన్స్ దక్కింది. దీంతో 9 రోజుల్లోనే $3 మిలియన్ మార్కను అందుకుంది.

సెకండ్ వీక్‌లో

తొలివారం భారీ వసూళ్లు రాబట్టి సెకండ్ వీక్‌లో ఎంటరైన భరత్.... రెండో వారం తొలి 5 రోజుల్లో $440,463 వసూలు చేసింది. దీంతో 12 డేస్ (7+5) టోటల్ కలెక్షన్ $3,230,282 మార్కును అందుకుంది. సెకండ్ వీక్‌లో రోజువారీ కలెక్షన్లు పరిశీలిస్తే శుక్రవారం $106,707, శనివారం $156,032, ఆదివారం $97,520, సోమవారం $41,933, మంగళవారం $38,271 వసూలు చేసింది.

33 రోజుల్లో రంగస్థలం

రంగస్థలం చిత్రం 33 రోజులు విజయవంతంగా ప్రదర్శితం అయి 3.5 మిలియన్ డాలర్ రికార్డ్ నమోదు చేసింది. 2018లో యూఎస్ఏలో విడుదలై అత్యధిక గ్రాస్ సాధించిన తెలుగు చిత్రంగా నిలిచింది.

తొలి 12 రోజుల్లో రెండు చిత్రాల వసూళ్లు ఇలా

తొలి 12 రోజులతో రెండు సినిమాలను కంపేర్ చేస్తే.... ‘భరత్ అనే నేను' చిత్రం $3,230,282 వసూలు చేయగా, రంగస్థలం చిత్ంర $3,272,495 రాబట్టింది. ఈ నేపథ్యంలో రామ్ చరణ్ విలేజ్ డ్రామా రికార్డులను మహేష్ బాబు పొలిటికల్ డ్రామా అనుందుకునే అవకాశం ఉందా? లేదా? అనేది ఆసక్తిగా మారింది.

నా పేరు సూర్యతో స్క్రీన్ కౌంట్ డౌన్

మరో వైపు మే 4న అల్లు అర్జున్ నటించిన ‘నా పేరు సూర్య' చిత్రం విడుదలవుతోంది. ఈ చిత్రం వచ్చిన తర్వాత ‘భరత్ అనే నేను' ప్రదర్శితం అవుతున్న స్క్రీన్ల సంఖ్య భారీగా తగ్గనుంది. మరి ఏం జరుగుతుందో చూడాలి.