హోమ్

బాక్సాఫీస్

సూపర్ స్టార్ మహేష్ బాబు హీరోగా కొరటాల శివ దర్శకత్వంలో తెరకెక్కిన 'భరత్ అనే నేను' చిత్రం బాక్సాఫీసు వద్ద కలెక్షన్ల ప్రభంజనం సృష్టిస్తోంది. తొలి వారం ఈ చిత్రం ప్రపంచ వ్యాప్తంగా రూ. 150 కోట్ల గ్రాస్ వసూలు చేసింది.

తాజాగా భరత్ అనే నేను ఓవర్సీస్ మార్కెట్లో సరికొత్త మార్కును అందుకుంది. యూఎస్ఏ, ఆస్ట్రేలియా, యూకె, గల్ఫ్, ఇతర ఏరియాల్లో కలిపి తొలివారం $4 మిలియన్ పైగా వసూలు చేసింది. ఒక్క యూఎస్ఏలోనే 3 మిలియన్ వసూలు చేసింది.

ఈ చిత్రం నార్త్ అమెరికాలో $3015K, ఆస్ట్రేలియా, న్యూజీలాండ్‌లో $535k, యూరఫ్-యూకెలో కలిపి $350K, ఆఫ్రికా, మలేషియా, సింగపూర్‌లో $150K, గల్ఫ్ రీజియన్లో $600K వసూలు చేసింది. ఇప్పటి వరకు ఓవరాల్‌గా $4.65 మిలియన్(రూ. 31.06) వసూలు చేసింది.

ఓవరాల్ రన్‌లో ఈ చిత్రం ఓవర్సీస్ మార్కెట్లో 5 మిలియన్ డాలర్ మార్క్ అందకుంటుందని అంచనా వేస్తున్నారు. ఇక వరల్డ్ వైడ్ కలెక్షన్ రూ. 200 కోట్ల మార్కును అందుకుంటుందని ట్రేడ్ విశ్లేషకులు నమ్మకంగా ఉన్నారు.