BMW Closing Collections: భర్త మహాశయులకు విజ్ఞప్తి క్లోజింగ్ కలెక్షన్లు ఎన్ని కోట్లంటే? రవితేజ మూవీ హిట్టా? ఫట్

Updated: Thursday, February 5, 2026, 8:46 [IST]

మాస్ మహారాజా రవితేజ హీరోగా యువ తారలు ఆషికా రంగనాథ్, డింపుల్ హయతి జంటగా నటించిన చిత్రం భర్త మహాశయులకు విజ్ఞప్తి. SLV సినిమాస్ బ్యానర్‌పై ప్రముఖ నిర్మాత సుధాకర్ చెరుకూరి నిర్మాణంలో సెన్సిబుల్ డైరెక్టర్ కిషోర్ తిరుమల ఈ సినిమాకు దర్శకత్వం వహించారు. ఈ చిత్రంలో సునీల్, సత్య, వెన్నెల కిషోర్, సుధాకర్, మురళీధర్ గౌడ్ తదితరులు నటించారు.

ఈ సినిమాకు యువ మ్యూజిక్ డైరెక్టర్ భీమ్స్ సిసిరెలియో సంగీతం అందించారు. ప్రసాద్ మూరేళ్ల సినిమాటోగ్రఫి, శ్రీకర్ ప్రసాద్ ఎడిటింగ్, ఏఎస్ ప్రకాశ్ ఆర్ట్ విభాగాలను పర్యవేక్షించారు. రొమాంటిక్, ఫన్, ఫ్యామిలీ డ్రామాగా రూపొందిన ఈ సినిమా జనవరి 13వ తేదీన గ్రాండ్‌గా రిలీజైంది. ఈ మూవీ బడ్జెట్ ఎంత? ఈ సినిమా ప్రీ రిలీజ్ బిజినెస్ వాల్యూ ఎంత? ఈ చిత్రం థియేట్రికల్ రన్‌లో వసూలు చేసిన కలెక్షన్లు ఎంత? అనే వివరాల్లోకి వెళితే..

భర్త మహాశయులకు విజ్ఞప్తి మూవీలోని స్టార్ కాస్ట్, టాలెంటెడ్ టెక్నిషియన్స్, క్రేజీగా ప్రమోషన్స్ చేపట్టారు. దాంతో ఈ సినిమా బడ్జెట్ సుమారుగా 40 కోట్ల రూపాయలు అయిందని ట్రేడ్ వర్గాలు వెల్లడించారు. ఈ సినిమా పాటలు, ప్రమోషన్స్‌కు మంచి రెస్పాన్స్ రావడంతో బిజినెస్ కూడా ఫ్యాన్సీ రేటుకు క్లోజ్ అయింది. ఈ సినిమా థియేట్రికల్ బిజినెస్ వాల్యూ సుమారుగా 20 కోట్ల రూపాయలుగా నిర్ణయించారు అని ట్రేడ్ వర్గాలు వెల్లడించాయి.

సంక్రాంతి పండుగ సెలవులను ఈ సినిమా ఓ మోస్తారుగా ఉపయోగించుకోవడంతో గౌరవప్రదమైన కలెక్షన్లను నమోదు చేసుకొన్నది. ఈ సినిమా నైజాంలో 3.5 కోట్ల రూపాయలు, సీడెడ్‌లో 1 కోటి రూపాయలు, ఆంధ్రాలో 6 కోట్ల రూపాయలు వసూలు చేసింది. దాంతొ ఈ సినిమా 10.5 కోట్ల నెట్, 18 కోట్ల రూపాయల గ్రాస్ వసూలు చేసింది అని ట్రేడ్ వర్గాలు తెలిపాయి.

ఈ మూవీ థియేట్రికల్ రన్‌లో మొత్తంగా తెలుగు రాష్ట్రాల్లో 18 కోట్ల రూపాయలు, కర్ణాటకలో 1.5 కోట్ల రూపాయలు, మిగితా రాష్ట్రాల్లో 50 లక్షల రూపాయలు వసూలు చేసింది. ఇండియాలో ఈ చిత్రం 20 కోట్ల రూపాయలను వసూలు చేసింది. ఇక ఈ సినిమా ఓవర్సీస్‌లో 300K డాలర్లు అంటే 2.7 కోట్ల రూపాయలు వసూలు చేసింది. దాంతో ఈ సినిమా వరల్డ్ వైడ్‌గా 22.7 కోట్ల రూపాయల గ్రాస్, 12 కోట్ల రూపాయల నెట్ కలెక్షన్లను వసూలు చేసింది అని ట్రేడ్ వర్గాలు వెల్లడించాయి.

ఇక థియేట్రికల్ రన్‌లో ఈ సినిమా సుమారుగా 60 శాతంపైగా రికవరీని సాధించింది. అయితే మాస్, ఫ్యామిలీ కంటెంట్‌తో వచ్చిన ఈ సినిమా సంక్రాంతి రేసులో విడుదలై ఇతర సినిమాల పోటీ ముందు నిలబడలేకపోయింది. దాంతో ఈ సినిమా పూర్తిస్థాయిలో బాక్సాఫీస్ వద్ద నిలదొక్కుకోలేకపోయింది. కానీ ఇటీవల కాలంలో రవితేజ నటించిన ఇతర సినిమాల కంటే బెటర్‌గా వసూళ్లను రాబట్టింది. ఈ చిత్రం థియేట్రికల్ వాల్యూ కంటే 8 కోట్లు తక్కువగా రాబట్టిందనే టాక్ ట్రేడ్, సినీ వర్గాల్లో ఉంది.

More from Filmibeat