Don't Miss!
- News జనసేనకు మద్దతుగా మెగాస్టార్...పిఠాపురంలో రెండు రోజులు పర్యటన
- Sports CSK vs LSG: అందుకే రచిన్ రవీంద్రను పక్కనపెట్టాం: రుతురాజ్ గైక్వాడ్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
Bhool Bhulaiyaa 2: బాలీవుడ్ పరువు నిలబెట్టిన కార్తిక్ ఆర్యన్.. రెండవ వారం కూడా అదే దూకుడు
చాలా రోజుల తరువాత బాలీవుడ్ సినిమా ఇండస్ట్రీలో ఒక సినిమా బాక్సాఫీస్ వద్ద మంచి వసూళ్లను అందుకుంటోంది. అక్షయ్ కుమార్ నటించిన భూల్ భూలయ్యా సినిమాకు కొనసాగింపుగా వచ్చిన భూల్ భూలయ్యా 2లో హీరోగా కార్తీక్ ఆర్యన్ నటించాడు. ఇక రెండవ వారం కూడా ఈ సినిమా బాక్సాఫీస్ వద్ద ఏ మాత్రం తగ్గకుండా వసూళ్లను అందుకుంటోంది. కియారా అద్వానీ మేయిన్ హీరోయిన్ గా నటించగా ఈ సినిమాలో టబు మరొక ముఖ్యమైన పాత్రలో నటించింది.
ఇక విడుదలైన మొదటి రోజు నుంచి భూల్ భూలయ్యా 2 చిత్రం బాక్సాఫీస్ వద్ద సరికొత్త రికార్డులను క్రియేట్ చేస్తూనే ఉంది. హిందీ సినిమాల మార్కెట్ పూర్తిగా తగ్గిపోయిందని అనుకుంటున్న సమయంలో ఈ చిత్రం థియేటర్లలో విజయవంతంగా నడుస్తోంది. ఇక బాక్సాఫీస్ వద్ద సినిమా దాదాపు రూ. 122 కోట్లకు పైగా వసూలు చేసినట్లుగా తెలుస్తోంది. రెండవ వారంలో కూడా కలెక్షన్స్ ఏ మాత్రం తగ్గడం లేదు.
రెండవ ఆదివారం నాడు సినిమా రూ. 13 కోట్లను రబట్టినట్లు తెలుస్తోంది. దీంతో ఇప్పటివరకు టోటల్ గా 122కోట్లను అందుకుంది. చూస్తుంటే ఈ వారం సినిమా 150కోట్ల మార్కును అందుకోవచ్చని సమాచారం. హారర్ కామెడీ ఫిల్మ్ గా తెరకెక్కిన ఈ సినిమాలో కార్తిక్ ఆర్యన్ నటించిన విధానం ఓ వర్గం ప్రేక్షకులను ఎంతగానో ఆకట్టుకుంది. టైటిల్ ట్రాక్ ముందుగానే సినిమాపై ఒక మంచి పాజిటివ్ టాక్ ను క్రియేట్ చేసింది. ఇక యువ హీరో కార్తీక్ ఆర్యన్ కెరీర్ లోనే ఈ సినిమా అత్యదిక వసూళ్లను అందుకునే అవకాశం ఉన్నట్లుగా తెలుస్తోంది.
ఇక ఈ ఏడాది రెండవ వారంలో అత్యధిక వసూళ్లను అందుకున్న బాలీవుడ్ సినిమాల్లో భూల్ భూలయ్యా 2 రెండవ స్థానంలో నిలిచింది. ద కాశ్మీర్ ఫైల్స్ రూ.70.15కోట్లు అందుకోగా..ఆ తరువాత భూల్ భూలయ్యా 2 30.64కోట్లు సాధించింది. ఇక ఆలియా భట్ గంగుభాయ్ ఖతీయవాడి 23.29కోట్లతో మూడవ స్థానంలో ఉంది. ఇక డబ్బింగ్ సినిమాలతో పోలిస్తే మాత్రం RRR, KGF 2 కంటే భూల్ భూలయ్యా సాధించిన సెకండ్ వీక్ కలెక్షన్స్ చాలా తక్కువ. మరి సోమవారం నుంచి ఈ సినిమా ఇంకా ఎలాంటి వసూళ్లను రాబడుతుందో చూడాలి.