‘దేవదాస్’ 3 డేస్ కలెక్షన్ ఎంత? బిగ్‌బాస్ 2 గ్రాండ్ ఫినాలె ప్రభావంతో వసూల్లు మరింత డౌన్?

ఆశించిన స్థాయిలో కలెక్షన్ లేదు

అయితే ఈ సినిమా థియేట్రికల్ రైట్స్ అమ్మిన ధర రూ. 38 కోట్లతో పోల్చితే తొలి రోజు వసూళ్లు నిరాశ పరిచాయని చెప్పక తప్పదు. తొలి రోజు ప్రపంచ వ్యాప్తంగా కేవలం దాదాపు రూ. 7 కోట్ల షేర్ మాత్రమే వచ్చింది. కనీసం 30శాతం రికవరీ ఆశించినా... 18 శాతం కంటే ఎక్కువ రాలేదు.

Recommended Video

Nagarjuna Akkineni's Devadas Full Movie Now In Online !

ఆదివారం కలెక్షన్లపై బిగ్ బాస్ తెలుగు 2 ప్రభావం

గురువారం సినిమా విడుదల కాగా... బాక్సాఫీసు వద్ద శుక్ర, శనివారాల్లో కలెక్షన్లు స్టడీగానే ఉన్నాయి. అయితే బిజినెస్ ఆశించిన స్థాయిలో లేదని అంటున్నారు ట్రేడ్ విశ్లేషకులు. ఏ సినిమాకు అయినా ఆదివారం అనేది చాలా కీలకం. ఈ రోజు సెలవు దినం కావడంతో ఎక్కువగా ఫ్యామిలీ ప్రేక్షకులు ఈవినింగ్ షోలకు వస్తారు. అయితే ఈ రోజు సాయంత్రం 6 గంటల నుండి 9 గంటల వరకు బిగ్ బాస్ గ్రాండ్ ఫినాలే ఉండటంతో ‘దేవదాస్' మూవీ కలెక్షన్లపై ప్రభావం పడబోతోంది.

ఏమీ చేయలేని పరిస్థితి

కేవలం తెలుగు రాష్ట్రాల్లోనే ‘దేవదాస్' మూవీ రైట్స్ రూ. 30.15 కోట్లకు అమ్ముడయ్యాయి. అయితే తొలి 3 రోజుల్లో తెలుగు రాష్ట్రాల్లో డిస్ట్రిబ్యూటర్లకు వచ్చిన షేర్ రూ. 8.63 కోట్లు మాత్రమే అని అని తెలుస్తోంది. అసలే కలెక్షన్లు తక్కువగా ఉన్నాయంటే ఇపుడు ఆదివారం కలెక్షన్లపై బిగ్ బాస్ 2 గ్రాండ్ ఫినాలె దెబ్బ పడటం డిస్ట్రిబ్యూటర్లను మరింత దెబ్బతీసినట్లయింది.

నాని షో వల్ల.. నాని సినిమాపై ప్రభావం

బిగ్ బాస్ తెలుగు 2కు హోస్ట్‌గా వ్యవహరిస్తున్న నాని.... తన షో వల్ల తన సినిమా నష్టపోయే పరిస్థితతి తొలిసారి ఎదుర్కొంటున్నారు. ఈ రోజు వసూళ్లపై బిగ్ బాస్ షో ఎంత ఎఫెక్ట్ పడింది అనేది సోమవారం విడుదలయ్యే లెక్కలతో తేలనుంది.