అన్నీ చెత్తే...బాబ్జీనే బెటర్(ట్రేడ్ టాక్)

By Staff

Published: Wednesday, March 11, 2026, 1:34 [IST]

ఈ వారం రిలీజైన నాలుగు సినిమాల్లో మూడు ప్రేక్షకులను ఆకట్టుకోవటంలో విఫలమయ్యాయి. ఒక్క బ్లేడు బాబ్జీ మాత్రమే ఫ్లాఫ్ ముద్ర నుండి తప్పించుకుంది. తేజ కేక,నితిన్ హీరో,మద్దిరాల కాశీపట్నం చూడరబాబు మార్మింగ్ షోకే బ్యాడ్ టాక్ తెచ్చుకున్నాయి. దాంతో తేజ లా ఎన్ని కాంట్రావర్శీ స్టేట్ మెంట్స్ ఇచ్చినా , హీరో సినిమాలో లాగ కథకు సంభందం లేకుండా విపరీతమైన బిల్డప్స్ పెట్టినా,కామిడీ పేరుతో మరీ పాత కాలం ముతక కథనే చుట్టేసినా లాభం లేదని తేలిపోయింది. ఈ ఫెయిల్యూర్స్ వెనకఉన్నది మాత్రం నిస్సందేహంగా ఫెయిల్యూర్ అయిన స్క్రిప్టు అనేది మాత్రం సత్యం.

అలాగే గొప్పగా లేకున్నా చూడ్డానికి ఇబ్బంది కలిగించకుండా ధియేటర్ లో కూర్చున్నంత సేపు ఎంగేజ్ చేస్తే చాలనీ అల్లరి నరేష్ నిరూపించడం గుర్తుంచుకోవాల్సిందేనని విశ్లేషకులు అంటున్నారు.ఇక క్రిందట వారం రిలీజైన త్రీ ...త్రీ డేస్ కూడా టాక్ సరిగా లేకపోవటంతో ధియేటర్స్ లో కాపురం చెయ్యలేకపోయింది. దశరాకి రిలీజైన కొత్త బంగారు లోకం ..చూసినవారు ఛల్తాహై అన్నా మాత్రమే కలెక్షన్స్ దండుకుంటోంది.ఇక మరో విశేషం ఏమిటంతే కొత్త బంగారు లోకం కన్నా బి.సి సెంటర్లలలో బ్లేడ్ బాబ్జీనే ఎక్కువ కలెక్షన్స్ సంపాదిస్తోంది.అక్కడ అంతా ఈ సినిమాని మసాలా ఎంటర్టైనర్ గా పేర్కొంటున్నారు. కొత్త బంగారు లోకం ని క్లాస్ సినిమాగా ఫీలవటం జరుగుతోంది.

More from Filmibeat