Click it and Unblock the Notifications
5 రోజుల్లో 250 కోట్ల రూపాయలు.. దురంధర్, ఛావా రికార్డులు బోర్డర్ 2 బ్రేక్.. 5వ రోజె ఎన్ని కోట్లంటే?
బాలీవుడ్లో దురంధర్ సినిమా తర్వాత బాక్సాఫీస్ను బోర్డర్ 2 చిత్రం షేక్ చేస్తున్నది. సన్నీడియోల్ నటించిన ఈ చిత్రం తొలి రోజు నుంచే భారీ స్థాయి వసూళ్లతో రికార్డులు క్రియేట్ చేస్తున్నది. హిందీ సినిమా రంగంలో 1997 సంవత్సరంలో సంచలన విజయం సాధించిన బోర్డర్ చిత్రానికి సీక్వెల్గా రూపొందిన విషయం తెలిసిందే. యాక్షన్, ఇండియన్ వార్ నేపథ్యంగా రూపొందిన ఈ సినిమాను ప్రముఖ సినీ నిర్మాణ సంస్థ టీ సీరిస్ ఫిల్మ్స్, జేపీ ఫిల్మ్స్ బ్యానర్లపై భూషణ్ కుమార్, కిషన్ కుమార్, జేపీ దత్తా నిర్మించారు. ఈ మూవీని అనురాగ్ సింగ్ దర్శకత్వం వహించగా, బోర్డర్ సినిమాకు జేపీ దత్తా డైరెక్షన్ చేశారు. ఇండియా, పాకిస్థాన్ మధ్య 1971 సంవత్సరంలో జరిగిన యుద్ధం బ్యాక్ డ్రాప్గా రూపొందిన ఈ చిత్రంలో స్టార్ హీరో సన్నీడియోల్, వరుణ్ ధావన్, దిల్జిత్ దోసాంజ్, ఆహాన్ శెట్టి, సోనమ్ బజ్వా, సునీల్ శెట్టి, అక్షయ్ ఖన్నా, సుదేశ్ బెర్రీ, అన్య సింగ్, మోనా సింగ్ తదితరులు నటించారు.
ఈ చిత్రానికి అన్షుల్ చోబే సినిమాటోగ్రఫి, మనీష్ మోరే ఎఢిటింగ్, జాన్ స్టీవార్డ్ ఎడ్యూరి బ్యాక్ గ్రౌండ్ మ్యూజిక్ అందించారు. అనుమాలిక్, మిథూన్, విశాల్ మిశ్రా పాటలు అందించారు. ఈ సినిమా రిపబ్లిక్ డే కానుకగా జనవరి 23వ తేదీన గ్రాండ్గా రిలీజ్ అవుతున్నది. ఈ నేపథ్యంలో సినిమా బడ్జెట్ ఎంత? తొలి రోజు ఎన్ని కోట్ల రూపాయలు వసూలు చేసే అవకాశం ముంది? అనే వివరాల్లోకి వెళితే..
ఇండియా, పాకిస్థాన్ మధ్య 1971 సంవత్సరంలో జరిగిన యుద్ధం బ్యాక్ డ్రాప్గా 1971 పాకిస్థాన్పై భారత్ యుద్ధం, ఆపరేషన్ చెంఘీజ్ ఖాన్, పూంచ్, బసంతార్, ఐఎన్ఎస్ కుక్రీ లాంటి అంశాలతో బోర్డర్ 2 సినిమా రూపొందింది. దేశ సరిహద్దు ప్రాంతంలో అత్యంత భారీగా, ఖర్చుకు వెనుకాడకుండా యాక్షన్, అండ్ వార్ ఎపిసోడ్స్ చిత్రీకరించారు. ఈ సన్నివేశాల చిత్రీకరణలో భారీగా సాంకేతిక నిపుణులు, స్టార్ నటీనటులు పాల్గొన్నారు. దాంతో ఈ సినిమా బడ్జెట్ భారీగా పెరిగింది. రెమ్యునరేషన్లు, ప్రమోషనల్ ఖర్చులనీ కలిపి ఈ సినిమాను సుమారుగా 250 కోట్ల రూపాయలతో తెరకెక్కించారు.
బోర్డర్ 2 చిత్రం తొలి రోజు నుంచే బాక్సాఫీస్ వద్ద అలజడి సృష్టిస్తున్నది. ఈ సినిమా మొదటి రోజు 32 కోట్ల రూపాయలు, రెండో రోజు 41 కోట్ల రూపాయలు, మూడో రోజు 57 కోట్ల రూపాయలు, నాలుగు రోజు ఈ సినిమా 63.5 కోట్ల రూపాయలు వసూలు చేసింది. దాంతో గత నాలుగు రోజుల్లో ఇండియాలో ఈ సినిమా 193.5 కోట్ల రూపాయలు వసూలు చేసింది.
బోర్డర్ 2 సినిమాకు విదేశాల్లో కూడా భారతీయ ప్రేక్షకుల బ్రహ్మరథం పడుతున్నారు. ఓవర్సీస్లో విడుదలైన ప్రతీ చోట సంచలన రీతిలో కలెక్షన్లు రాబడుతున్నది. ఈ సినిమా ఇప్పటి వరకు 35 కోట్ల రూపాయలు వసూలు చేసింది. దాంతో ఈ చిత్రం గత నాలుగు రోజుల్లో 228.5 కోట్ల రూపాయలు వసూలు చేసింది అని ట్రేడ్ వర్గాలు వెల్లడించారు.
ఇక ఐదో రోజు కూడా సన్నీడియోల్ నటించిన ఈ మూవీకి అనూహ్యమైన స్పందన లభిస్తున్నదనే విషయాన్ని అడ్వాన్స్ బుకింగ్తోపాటు కరెంట్ బుకింగ్ వివరాలు తెలియజేస్తున్నాయి. ట్రేడ్ వర్గాల అంచనా ప్రకారం ఈ సినిమా సుమారు 25 కోట్ల నుంచి 30 కోట్ల రూపాయల వసూళ్లను రాబడుతుందని వెల్లడించారు దాంతో ఈ సినిమా సుమారుగా 250 కోట్లకుపైగా కలెక్షన్లను నమోదు చేస్తుందనే నిర్ణయానికి వచ్చారు.
బాక్సాఫీస్ వద్ద చూపిస్తున్న జోరు కారణంగా ఇటీవల రిలీజైన దురంధర్, ఛావా, వార్ 2 సినిమాల ఫస్ట్ వీకెండ్ కలెక్షన్లను బ్రేక్ చేసింది. వార్ 2 చిత్రం 180 కోట్లు వసూలు చేస్తే.. దురంధర్ 106 కోట్లు, ఛావా 121 కోట్లు రాబట్టింది. కానీ ఈ సినిమా తొలి వారాంతంలోనే 193 కోట్ల నెట్ వసూళ్లను కలెక్ట్ చేయడం రికార్డుగా మారింది.
Continue with Google