‘దేవ్’ బాక్సాఫీస్ రిపోర్ట్: కార్తి ఖాతాలో మరో డిజాస్టర్

థియేట్రికల్ రైట్స్ ఎంతకు అమ్మారు?

‘దేవ్' థియేట్రికల్ రైట్స్ తమిళనాడులో అన్ని ఏరియాలకు కలిపి రూ. 17 కోట్లకు అమ్ముడయ్యాయి. తెలుగులో ఈ చిత్రం రైట్స్ ఠాగూర్ మధు రూ. 6 కోట్లకు సొంతం చేసుకున్నారు. రెండు రాష్ట్రాల్లోనూ ఈ మూవీ నష్టాల దిశగా పరుగులు పెడుతోంది.

తమిళనాడులో వసూళ్లు

కోలీవుడ్ బాక్సాఫీస్ వర్గాల నుంచి అందుతున్న సమాచారం ప్రకారం తొలి 6 రోజుల్లో ‘దేవ్' తమిళనాడు వ్యాప్తంగా కేవలం రూ. 5 కోట్ల షేర్ రాబట్టింది. ఫుల్ రన్‌లో ఇంకొక రూ. 1 కోటి వసూలు చేయొచ్చని... 35శాతం కంటే ఎక్కువగా రికవరీ అయ్యేపరిస్థితి లేదని ట్రేడ్ వర్గాల టాక్.

తెలుగులో భారీ నష్టం

తెలుగు రాష్ట్రాల్లో ‘దేవ్' తొలి 6 రోజుల్లో కేవలం రూ. 1.85 కోట్ల షేర్ రాబట్టింది. ఫుల్ రన్‌లో రూ. 2 కోట్లకు మించి వసూలు చేసే అవకాశాలు కనిపించడం లేదు. ఈ చిత్రాన్ని కొన్న డిస్ట్రిబ్యూటర్లకు భారీ నష్టాలు తప్పని పరిస్థితి.

టాలీవుడ్లో కార్తి మార్కెట్ డౌన్

తెలుగులో కార్తి మార్కెట్ సినిమా సినిమాకు పడిపోతోంది. అతడి గత చిత్రం ‘చినబాబు' తమిళనాడులో విజయం సాధించినపస్పటికీ టాలీవుడ్ బాక్సాఫీసు వద్ద వర్కౌట్ కాలేదు.

ద‌ర్శ‌కత్వం: ర‌జ‌త్ ర‌విశంక‌ర్
నిర్మాత‌లు: ఎస్ ల‌క్ష్మ‌ణ్ కుమార్, ఠాగూర్ మ‌ధు,
నిర్మాణ సంస్థ‌లు: ప్రిన్స్ పిక్చ‌ర్స్, లైట్ హౌజ్ మూవీ మేక‌ర్స్, రిల‌య‌న్స్ ఎంట‌ర్ టైన్మెంట్
స‌మ‌ర్ప‌ణ‌: రిల‌య‌న్స్ ఎంట‌ర్ టైన్మెంట్స్
సంగీతం: హ‌రీష్ జయ‌రాజ్
సినిమాటోగ్ర‌ఫీ: వేల్రాజ్
ఆర్ట్: రాజీవ‌న్
ఎడిట‌ర్: రూబెన్
విఎఫ్ఎక్స్: హ‌రిహ‌ర‌సుధ‌న్ .