హోమ్

బాక్సాఫీస్

బాలీవుడ్ అగ్రతారలు రణ్‌బీర్ కపూర్, ఆలియాభట్ జంటగా ఆయాన్ ముఖర్జీ దర్శకత్వంలో కరణ్ జోహర్ రూపొందించిన బ్రహ్మస్త్ర చిత్రం బాక్సాఫీస్ వద్ద రికార్డు క్రియేట్ చేసింది. కరోనా వైరస్ పరిస్థితుల తర్వాత వసూళ్లను రాబట్టలేకపోతున్న హిందీ చిత్ర పరిశ్రమలో ఈ సినిమా రికార్డు వసూళ్లను సాధించడం అందర్నీ ఆశ్చర్యంలో ముంచెత్తింది. మిక్స్‌డ్ టాక్‌తో బాక్సాఫీస్ యాత్రను ప్రారంభించిన ఈ చిత్రం భారీ వసూళ్లను నమోదు చేస్తూ ట్రేడ్ వర్గాల్లో జోష్ నింపింది.

తాజాగా దేశవ్యాప్తంగా నేషనల్ సినిమా డేను పాటించిన థియేటర్ యాజమాన్యాలు ప్రేక్షకుల కోసం టికెట్ రేట్లను భారీగా తగ్గించారు. దాంతో శుక్ర, శనివారాల్లో ఈ చిత్రం 23 కోట్లు రాబట్టింది. గత వారం రోజుల్లో పోల్చుకొంటే ఈ చిత్రం ఊహించని కలెక్షన్లు సాధించింది. ఇక ఈ చిత్రం ఓవర్సీస్‌లో కూడా రికార్డు క్రియేట్ చేసింది. ఓవర్సీస్‌లో 104 కోట్ల రూపాయలు సాధించి ఇటీవల కాలంలో వంద కోట్లు సాధించిన చిత్రాల్లో ఒకటిగా నిలిచింది.

ఇక బ్రహ్మస్త్ర చిత్రం దేశవ్యాప్తంగా 253 కోట్ల నికర వసూళ్లను సాధించింది. ఈ మధ్యకాలంలో ది కశ్మీర్ ఫైల్స్ చిత్రం సంచలన విజయంతోపాటు 252 కోట్ల భారీ వసూళ్లను నమోదు చేసింది. హిందీ డబ్బింగ్ వెర్షన్ RRR 274 కోట్ల రూపాయలను వసూలు చేయగా, కేజీఎఫ్ చాప్టర్ 2 చిత్రం 434 కోట్లు రాబట్టింది.

బ్రహ్మస్త్ర ప్రపంచవ్యాప్తంగా సాధించిన కలెక్షన్ల వివారాల్లోకి వెళితే.. 400 కోట్ల క్లబ్‌లో చేరింది. నేషనల్ సినిమా డే సందర్భంగా మరొ 23 కోట్లు కలెక్ట్ చేసింది. దాంతో ఈ చిత్రం 423 కోట్లు వసూలు చేసినట్టు అయింది.