Brahmastra Collections: తెలుగులో కొన్నిది 5 కోట్లకు.. 2 వారాల్లోనే సంచలనం.. ఏకంగా అన్ని కోట్ల లాభం

బ్రహ్మాస్త్ర సినిమాలో ఎవరున్నారు?

రణ్‌బీర్ కపూర్ - అయాన్ ముఖర్జీ కాంబినేషన్‌లో వచ్చిన చిత్రమే 'బ్రహ్మాస్త్ర'. ఇందులో ఆలియా భట్ హీరోయిన్‌ కాగా.. అమితాబ్ బచ్చన్, నాగార్జున, మౌనీ రాయ్ కీలక పాత్రలు చేశారు. ఈ చిత్రాన్ని కరణ్ జోహార్, అపూర్వ మెహతా, నమిత్ మల్హోత్రా నిర్మించారు. దీనికి సైమన్ ఫ్రాంగ్లెన్, ప్రీతమ్ సంగీతం అందించారు. ఇది హిందీతో పాటు తెలుగులోనూ వైభవంగా విడుదలైంది.

బ్రహ్మాస్త్ర మూవీ ప్రీ రిలీజ్ బిజినెస్

క్రేజీ కాంబోలో హై రేంజ్‌లో రూపొందిన 'బ్రహ్మాస్త్ర' మూవీపై ఆరంభం నుంచే అంచనాలు ఏర్పడ్డాయి. దీంతో ఈ సినిమాకు ప్రపంచ వ్యాప్తంగా అన్ని ఏరియాల్లోని హక్కులకు డిమాండ్ ఏర్పడింది. అందుకు అనుగుణంగానే తెలుగులో ఇది రూ. 5 కోట్లు బిజినెస్ చేసుకుంది. అలాగే, ప్రపంచ వ్యాప్తంగా అన్ని ఏరియాలను కలిపి రూ. 200 కోట్ల బిజినెస్‌ను జరుపుకుంది.

14వ రోజు తెలుగులో వసూళ్లు ఇలా

భారీ బడ్జెట్‌తో రూపొందిన 'బ్రహ్మాస్త్ర' మూవీ హిందీ తర్వాత తెలుగులోనే భారీ స్థాయిలో విడుదలైంది. అందుకు అనుగుణంగానే ఇక్కడ ఈ చిత్రానికి అదిరిపోయే స్పందన దక్కింది. దీంతో లాభాలు కూడా వస్తున్నాయి. అయితే, క్రమంగా దీనికి వసూళ్లు పడిపోతోన్నాయి. ఈ నేపథ్యంలో 14వ రోజైన గురువారం ఈ సినిమా రెండు రాష్ట్రాల్లో కలిపి రూ. 7 లక్షలు షేర్‌ను అందుకుంది.

2 వారాలకు కలిపి తెలుగు కలెక్షన్లు

'బ్రహ్మాస్త్ర' మూవీ 2 వారాలకు ఏపీ, తెలంగాణలో సత్తా చాటింది. ఫలితంగా నైజాంలో రూ. 5.93 కోట్లు, సీడెడ్‌లో రూ. 1.39 కోట్లు, ఉత్తరాంధ్రలో రూ. 1.43 కోట్లు, ఈస్ట్ గోదావరిలో రూ. 93 లక్షలు, వెస్ట్ గోదావరిలో రూ. 60 లక్షలు, గుంటూరులో రూ. 1.06 కోట్లు, కృష్ణాలో రూ. 63 లక్షలు, నెల్లూరులో రూ. 42 లక్షలతో.. రూ. 12.39 కోట్లు షేర్, రూ. 23.50 కోట్లు గ్రాస్ వసూలు అయింది.

టార్గెట్ ఎంత? లాభం ఎంతంటే

ఎంతో ప్రతిష్టాత్మకంగా వచ్చిన 'బ్రహ్మాస్త్ర'కు అంచనాలకు అనుగుణంగానే ఆంధ్రప్రదేశ్, తెలంగాణలో కలిపి రూ. 5.00 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 5.50 కోట్లుగా నమోదైంది. ఇక, 14 రోజుల్లో దీనికి భారీ స్థాయిలో రూ. 12.39 కోట్లు వచ్చాయి. అంటే హిట్ స్టేటస్‌తో పాటు రూ. 6.89 కోట్లు లాభాలు దక్కాయి.

ప్రపంచ వ్యాప్తంగా వచ్చిందెంత?

ఏపీ, తెలంగాణలో లాభాలు కొట్టిన 'బ్రహ్మాస్త్ర'.. ప్రపంచ వ్యాప్తంగా సత్తా చాటుతోంది. దీనికి 2 వారాల్లో హిందీలో రూ. 215.82 కోట్లు, తెలుగులో రూ. 28.98 కోట్లు, తమిళంలో రూ. 9.06 కోట్లు, కర్నాటకలో రూ. 15.18 కోట్లు, కేరళలో రూ. 2.76 కోట్లు, ఓవర్సీస్‌లో రూ. 99.50 కోట్లు రాబట్టింది. ఇలా ప్రపంచ వ్యాప్తంగా ఈ చిత్రం ఇప్పటికే రూ. 371.30 కోట్లు గ్రాస్‌ కలెక్ట్ చేసింది.