హోమ్

బాక్సాఫీస్

దర్శకుడు పూరీ జగన్నాధ్, అమితాబ్ కాంబినేషన్ లో బుడ్డా హోగయా తేరా బాప్ చిత్రం రూపొందుతున్న సంగతి తెలిసిందే. అతి త్వరలో రిలీజ్ కాబోతున్న ఈ చిత్రం మంచి బిజెనెస్ చేసినట్లు సమాచారం.ముఖ్యంగా ఈ చిత్రం టేబుల్ ప్రాఫిట్ ని సంపాదించి పెట్టిందని అమితాబ్ చెప్తున్నారు. అమితాబ్ ఈ విషయం ట్విట్టర్ లో రాస్తూ...ఈ చిత్రం పదిన్నర కోట్ల పరిమిత బడ్జెట్ తో నిర్మితమైంది. అయితే పదమూడున్నర కోట్లు శాటిలైట్ రైట్స్ తెచ్చిపెట్టి మూడు కోట్లు టేబుల్ ప్రాఫెట్ తెచ్చిపెట్టింది అన్నారు. ఈ చిత్రం కోసం వదిలిన ప్రోమోలు అంతటా మంచి క్రేజ్ తెచ్చిపెట్టడమే దానికి కారణం అంటున్నారు.

ఇక ఈ చిత్రంలో తన క్యారెక్టర్ గురించి చెబుతూ..'నువ్వు ముసలాడివి' అని ఎవరైనా అంటే వాళ్ల తాట తీస్తాను. ఆ మాటే అంటే అస్సలు నచ్చదు.'బుడ్డా...ఓ కొత్త తరహా సినిమా. అందులో నేను పెద్ద డాన్‌ని. తమాషాగా ఉంటూనే సీరియస్‌గా సాగుతుంది అన్నారు.అలాగే అలాగే ఈ సినిమా చేయడానికి చాలా విషయాలు నన్ను పురిగొల్పాయి. కేవలం నా ఒక్క పాత్ర కోసమే కాదు. నా చుట్టూ ఉన్న వ్యక్తుల కదలికలు కూడా చాలా ఆసక్తికరంగా ఉంటాయి. తప్పకుండా నా అభిమానులకు నచ్చుతుంది అని బిగ్‌ బి మురిసిపోతూ చెప్పుకొచ్చారు.