twitter
    For Quick Alerts
    ALLOW NOTIFICATIONS  
    For Daily Alerts

    'స్పైడర్‌మేన్' వెబ్ నుంచి 'ఈగ' తప్పుకోలగదా?

    By Srikanya
    |

    చిత్రంగా ఒకే జెనర్ లో,ఒకే ప్రేక్షకులను టార్గెట్ చేస్తూ వస్తున్న రెండు చిత్రాలు ఒకే సారి విడుదల అవుతున్నాయి. అవే రాజమౌళి హాట్ చిత్రం 'ఈగ','స్పైడర్‌మేన్'. 'ఈగ'చిత్రం ప్రపంచవ్యాప్తంగా వచ్చే నెల ఆరవ తేదీన విడుదల అవుతోంది. అలాగే 'స్పైడర్‌మేన్'సీరిస్ లోని తాజా చిత్రం 'ది ఎమేజింగ్ స్పైడర్‌మేన్'కూడా వచ్చే నెల ఏడున విడుదల అవుతోంది. అయితే ఒకే ఒక్క ప్లస్ పాయింట్ ఏమిటి అంటే...ఇండియాలో ఈ చిత్రం 29న రావటమే.

    ఇతర దేశాల్లో కూడా 'ఈగ'అదే రోజున అంటే ఆరవ తేదీన వస్తోంది. దాంతో అక్కడ మార్కెట్లో 'స్పైడర్‌మేన్'తో పోటీపడక తప్పేటట్లులేదు. గ్రాఫిక్స్ పరంగా,క్రేజ్ పరంగా చూస్తే 'స్పైడర్‌మేన్'దే విదేశాల్లో పై చేయి. దాంతో అమెరికా డిస్ట్రిబ్యూటర్స్ ఇది ఒక సమస్యగానే భావిస్తున్నట్లు సమాచారం. అంతేకాకుండా అమెరికాలో ఇప్పటికే డబ్బై శాతం ధియోటర్స్ 'స్పైడర్‌మేన్'కి కేటాయించారు. మిగిలిన 30% లో 'ఈగ'షేర్ సంపాదించుకోవాలి. అయితే ఇండియాలో ఈ సమస్య ఉండకపోవచ్చు.

    ఇక 'ది ఎమేజింగ్ స్పైడర్‌మేన్' పేరుతో అత్యంత భారీ బడ్జెట్‌తో తయారైన చిత్రానికి మార్క్ వెబ్ దర్శకత్వం వహించారు. సోని పిక్చర్స్ సంస్థ ద్వారా తెలుగు, ఇంగ్లీషు, హిందీ వెర్షన్లలో ఆంధ్రప్రదేశ్ అంతటా ఈ సినిమా త్వరలో విడుదల కానుంది. కొత్త కథ, సరికొత్త సాహసాలతో ఆద్యంతం ఆసక్తికరంగా రూపుదిద్దుకున్న ఈ చిత్రంలో స్పైడర్‌మేన్‌గా ఆండ్రూ గార్‌ఫీల్డ్ నటించగా, అతని ప్రియురాలిగా ఎమ్మాస్టోన్ నటించింది. బాలీవుడ్ హీరో ఇర్ఫాన్‌ఖాన్ మరో ముఖ్య పాత్ర పోషించారు.

    తన తండ్రి ఎవరో తెలుసుకోవడం కోసం చేసిన ప్రయత్నంలో భాగంగా తనని తాను తెలుసుకునే ఓ వండర్ కిడ్ కథే ఈ చిత్రమని దర్శకుడు మార్క్ వెబ్ చెప్తున్నారు. సోని పిక్చర్స్ ప్రతినిధి ఈ సినిమా గురించి మాట్లాడుతూ 'స్పెడర్‌మేన్ చిత్రాలకు తెలుగులో కూడా ఆదరణ బాగుంటుంది. అందుకే 'ది ఎమేజింగ్ స్పైడర్‌మేన్' చిత్రాన్ని 2డి, 3డి వెర్షన్లలో తెలుగు, ఇంగ్లీషు, హిందీ భాషల్లో 200కి పైగా థియేటర్లలో విడుదల చేస్తున్నాం. సరికొత్త సాహసాలతో రూపుదిద్దుకున్న ఈ చిత్రాన్ని పిల్లలతో కలిసి చూడటం ఒక మంచి అనుభూతిని మిగులుస్తుంది' అన్నారు.

    English summary
    According to US exhibitor, Eega might survive at indian box-office but at USA box-office it cannot stand before Spiderman as both films share same weekend, it’s hard to allot theatres for Eega which is releasing in Tamil and Telugu in US on same day. Presently, 70% of the theatres are already allotted for Spiderman while 30% left for other releases and for english movies which are running successfully.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X