చార్మీ! ఒక్క పాటకు పాతిక లక్షలా?

By Staff

| Published: Thursday, April 17, 2008, 13:38 [IST]

హీరోయిన్ గా తెలుగులో బాగా సెటిలైన చార్మి ఒక పాటలో డ్యాన్స్ చేయడానికి 25 లక్షల పారితోషికం తీసుకుంటున్నట్టు తెలుస్తోంది. తెలుగులో గ్లామర్ పాత్రలే కాకుండా బాపు హీరోయిన్ గా చక్కటి తెలుగుదనం ఉట్టిపడే కథానాయికగా నటించి మంచి పేరు తెచ్చుకున్న ఈ పంజాబీ భామ ఆల్ రౌండర్ గా మారడం ఇతర అగ్ర హీరోయిన్లకు కంటగింపుగా ఉంది. కానీ ఆర్ట్ ఆఫ్ లివింగ్ స్ఫూర్తితో పాజిటివ్ అవుట్ లుక్ ను పెంచుకున్న చార్మి హైదరాబాద్ లో తెలుగు అమ్మాయిలా సెటిలై పోయింది.

అన్నట్టు, చార్మికి కొత్త హీరోయిన్లలో కూడా అభిమానులు ఏర్పడిపోయారు. వైవిధ్యమైన పాత్రల్లో నటిస్తున్న చార్మి తనకు ఆదర్శమని అందాల తార ప్రియమణి ఇప్పటికే డిక్లేర్ చేసింది. చక్కటి నటనతో పాటు అవయవ సౌష్టవం ఉన్న చార్మికి తెలుగులో అగ్ర హీరోయిన్ గా సెటిల్ కావడానికి చాలా సమయమే పట్టింది. అయితేనేం ఇప్పుడామే ఒక్క పాటకు పాతిక లక్షల రూపాయలు డిమాండ్ చేసే స్ధితికి చేరుకుంది. హిందీ పాట "కజరారే" తెలుగు రీమేక్ లో నటించడానికి చార్మికి ఇంత పారితోషికమన్న మాట.