దబంగ్ 3 ఫస్ట్ డే కలెక్షన్లు.. బాక్సాఫీస్ వద్ద సల్మాన్ స్టామినా ఎంతంటే.?

పూర్తిగా సౌత్ ఫ్లేవర్..

దబంగ్ 3ని పూర్తిగా సౌత్ ఫ్లేవర్ తెరకెక్కించడాని టాక్. ప్రభుదేవా తనదైన టేకింగ్‌తో మాస్ ఎంటర్‌టైనర్‌గా మలచడంలో సక్సెస్ అయినట్టు కామెంట్లు వినిపిస్తున్నాయి. దబంగ్ 3 అనేది కేవలం సల్మాన్ షో అని రివ్యూలు సైతం తేల్చాయి. సల్మాన్ ఫ్యాన్స్‌కు ట్రీట్ ఇచ్చేలా తెరకెక్కించిన ఈ చిత్రం బాక్సాఫీస్ వద్ద ఏ రేంజ్‌లో రచ్చ చేసిందో చూద్దాం.

తప్పిన అంచనాలు..

దబంగ్ 3 విషయంలో ముందుగా వేసిన అంచనాలు తప్పినట్టు తెలుస్తోంది. ఈ చిత్రం దాదాపు ముప్పై కోట్లకు పైగా రాబడుతుందని ట్రేడ్ పండితులు భావించినట్టు సమాచారం. అయితే దేశంలో నెలకొన్ని పరిస్థితులు కలెక్షన్లపై ప్రభావం చూపాయని అంటున్నారు.

మొత్తంగా ఎంత రాబట్టిందంటే..?

సల్మాన్ చిత్రానికి కలెక్షన్ల లెక్కలు చూడాలంటే అది మినిమమ్ వంద కోట్ల నుంచి లెక్కలు వేయాల్సిందే. అయితే ఏ చిత్రానికైనా ఫస్ట్ డే కలెక్షన్లు అనేవి.. ప్రాధాన్యంగా మారుతుంటాయి. ఈ విషయంలో దబంగ్ 3 నిరాశ పరిచినా.. లాంగ్ రన్‌లో కావాల్సిన మొత్తాన్ని రాబడుతుందని తెలుస్తోంది. ఈ చిత్రం ప్రపంచ వ్యాప్తంగా దాదాపు 25కోట్ల మేర వసూళ్లు చేసినట్టు తెలుస్తోంది.

దక్షిణాదిపై ప్రభావం చూపని దబంగ్3

కన్నడ, తెలుగు, తమిళంలో స్వయంగా ప్రమోట్ చేసిన సల్మాన్‌కు నిరాశే మిగిలింది. కన్నడ స్టార్ సుదీప్ ఈ చిత్రంలో ఉన్నా గానీ శాండిల్ వుడ్‌లోనూ కలెక్షన్లు ఏమంత చెప్పుకోదగ్గవి కాదని టాక్. ఇక తెలుగు రాష్ట్రాల్లో ఈచిత్రం మొదటి రోజు 25 నుంచి 30 లక్షల షేర్ అందుకునే చాన్స్ ఉందని సమాచారం.