‘దేవదాస్’ ఫస్ట్ డే కలెక్షన్స్: బాక్సాఫీసు వద్ద సత్తా చాటిన నాగార్జున-నాని కాంబో!

కలిసొచ్చిన భారీ రిలీజ్

నాగార్జున, నాని కలిసి నటించిన చిత్రం కావడంతో థియేట్రికల్ రైట్స్ కూడా భారీ రేటుకు అమ్ముడయ్యాయి. డిస్ట్రిబ్యూటర్లు ఈ చిత్రాన్ని అత్యధిక స్క్రీన్లలో విడుదల చేయడంతో ఓపెనింగ్స్ భారీగా వచ్చాయనే టాక్ నడుస్తోంది.

తొలి రోజు ఎంత వసూలైంది?

నిర్మాతలు ఈ చిత్రానికి తొలి రోజు ఎంత వసూలైంది? అనే విషయాలు అఫీషియల్‌గా ప్రకటించలేదు. అయితే ట్రేడ్ వర్గాల నుండి అందుతున్న సమాచారం ప్రకారం తొలి రోజు ప్రపంచ వ్యాప్తంగా రూ. 11.54 కోట్లు వసూలైనట్లు సమాచారం.

నాని గత సినిమా రికార్డులు బద్దలు

నాని ఇంతకు ముందు నటించిన సినిమాల రికార్డులన్నింటినీ ‘దేవదాస్' మూవీ బద్దలు కొట్టింది. నాని గత చిత్రాలు నిన్ను కోరి (రూ. 10.20 కోట్ల గ్రాస్), నేను లోకల్ (రూ. 9.70 కోట్లు), కృష్ణార్జున యుద్ధం (రూ. 9.5 కోట్లు) చిత్రాలను ‘దేవదాస్' రూ. 11.54 కోట్లతో అధిగమించి ‘ఎంసీఏ' (రూ. 15.50 కోట్లు) తర్వాతి స్థానంలో నిలిచింది.

ఎంతకు అమ్మారు?

నాగార్జున, నాని... ఇద్దరు స్టార్స్ నటించిన చిత్రం కావడంతో ‘దేవదాస్' థియేట్రికల్ రైట్స్ రూ. 38 కోట్లకు అమ్ముడయ్యాయి. తొలి రోజు రూ. 6.75 కోట్ల షేర్(రూ. 11.54 కోట్ల గ్రాస్) వసూలు చేయడం ద్వారా డిస్ట్రిబ్యూటర్లకు దాదాపు 18 శాతం మేర పెట్టుబడి రికవరీ అయింది. అయితే ఫస్ట్ వీకెండ్ పూర్తయ్యే సమయానికి భారీ వసూళ్లు ఖాయం అంటున్నారు.

ఫస్ట్ డే ఏరియా వైజ్ షేర్

నైజాం ఏరియాలో రూ. 1. 45 కోట్లు, సీడెడ్ రూ. 73 లక్షలు, వైజాగ్ రూ. 58 లక్షలు, ఈస్ట్ రూ. 39 లక్షలు, వెస్ట్ రూ. 26 లక్షలు, కృష్ణ రూ. 33 లక్షలు, గుంటూరు 53 లక్షలు, నెల్లూరు రూ. 19 లక్షలు, కర్నాటక రూ. 1.20 లక్షలు, రెస్టాఫ్ ఇండియా రూ. 24 లక్షలు, ఓవర్సీస్ రూ. 75 లక్షలు.... ఓవరాల్ వరల్డ్ వైడ్ ఫస్ట్ డే రూ. 6.75 కోట్ల షేర్ వసూలైంది.