Click it and Unblock the Notifications
Devagudi Box Office Collections: డీసెంట్గా దేవగుడి కలెక్షన్లు.. ఫ్యాక్షన్ మూవీ బాక్సాఫీస్ రిపోర్ట్ ఏమిటంటే?
గాయకుడు, మ్యూజిక్ డైరెక్టర్, నటుడు రఘు కుంచె ప్రధాన పాత్రలో నటించిన చిత్రం దేవగుడి. రాయలసీమ ఫ్యాక్షన్, యాక్షన్ డ్రామాగా రూపొందిన ఈ సినిమాకు బెల్లం రామకృష్ణారెడ్డి కథ, డైలాగ్స్, స్క్రీన్ ప్లే బాధ్యతలు వహించడమే కాకుండా నిర్మాతగా మారి దర్శకత్వం కూడా వహించారు. ఈ చిత్రంలో అభినవ్ శౌర్య, తోషి అలహరి, అనుశ్రీ కీలక పాత్రలు పోషించగా.. అన్నపూర్ణమ్మ, రాకెట్ రాఘవ, జబర్దస్త్ ఇమ్మాన్యుయేల్ ముఖ్య పాత్రలు పోషించారు.
బెల్లం సుధారెడ్డి సమర్ఫణలో రూపొందిన ఈ సినిమాకు సినిమాటోగ్రఫి: లక్ష్మీకాంత్ కనికే, మ్యూజిక్: మదీన్ ఎస్కే, ఎడిటర్: నాగిరెడ్డి వీ, ఫైట్స్: స్టంట్ శివ బాధ్యతలను నిర్వర్తించారు. ప్రవీణ్ రెడ్డి అబ్బవరం ఎగ్జిక్యూటివ్ నిర్మాతగా వ్యవహరించిన ఈ సినిమా జనవరి 30వ తేదీన తెలుగు రాష్ట్రాల్లో గ్రాండ్గా రిలీజైంది. ఈ సినిమా పలు ప్రాంతాల్లో ప్రేక్షకుల ఆదరణ సొంతం చేసుకొంటున్నది. ఈ సినిమా బడ్జెట్ ఎంత? ఈ సినిమా థియేట్రికల్ రైట్స్ వాల్యూ ఎంత? గత 3 రోజుల్లో వసూలు చేసిన కలెక్షన్ల వివరాల్లోకి వెళితే..
తెలుగు నేటివిటీతో రూరల్ డ్రామాగా తెరకెక్కిన ఈ చిత్రాన్ని కొత్త, సీనియర్ నటులతో రూపొందించారు. వాస్తవ సంఘటనల ఆధారంగా రూపొందిన ఈ చిత్రాన్ని రియల్ లోకేషన్లలో చిత్రీకరించారు. ఈ సినిమాను రాజీ లేకుండా క్వాలిటీతో ప్రేక్షకుల ముందుకు తీసుకొచ్చారు. ఈ సినిమాకు పనిచేసిన నటీనటులు, సాంకేతిక నిపుణులు, ప్రమోషనల్ ఖర్చులతో కలిపి ఈ సినిమా బడ్జెట్ సుమారుగా 5 కోట్ల రూపాయలు మేర అయింది. ఈ సినిమాను బెల్లం రామకృష్ణారెడ్డి సొంతంగా రిలీజ్ చేశారు. ఈ చిత్రం థియేట్రికల్ రైట్స్ వాల్యూ సుమారుగా 3 కోట్ల రూపాయలుగా అంచనా వేశారు అని ట్రేడ్ వర్గాలు వెల్లడించాయి.
దేవగుడి సినిమాను తెలుగు రాష్ట్రాల్లో సుమారుగా 150 సెంటర్లలో రిలీజ్ చేశారు. ఈ మూవీ తొలి రోజున డీసెంట్ కలెక్షన్లతో బాక్సాఫీస్ జర్నీని మొదలుపెట్టింది. ఈ చిత్రం తొలి రోజు 25 లక్షల రూపాయలను, రెండో రోజు 20 లక్షల రూపాయలను, మూడో రోజు ఈ సినిమా 25 లక్షల రూపాయలను వసూలు చేసింది. దాంతో గత మూడు రోజుల్లో 70 లక్షల రూపాయలను ఆంధ్రా, నైజాంలో రాబట్టింది. ఈ సినిమా స్టడీగా వసూళ్లను సాధించే అవకాశం ఉంది ట్రేడ్ వర్గాలు అభిప్రాయపడుతున్నాయి.
ఈ చిత్రం బాక్సాఫీస్ వద్ద సందడి చేస్తున్న నేపథ్యంలో చిత్ర యూనిట్ హైదరాబాద్లో సక్సెస్ సంబరాలను నిర్వహించింది. ఈ సందర్భంగా నిర్మాత బెల్లం రామకృష్ణారెడ్డి మాట్లాడుతూ.. గ్రిప్పింగ్ స్క్రీన్ ప్లే, యాక్షన్ ఎపిసోడ్స్, పాటల చిత్రీకరణ బాగుంది. రఘు కుంచె పాత్రకు మంచి ప్రశంసలు లభిస్తున్నాయి. కొత్తవారైన అభినవ శౌర్య, నరసింహ, అనుశ్రీ మంచిగా పెర్ఫార్మ్ చేశారు. ఈ సినిమా సక్సెస్ మాకు సంతోషాన్ని కలుగు జేసింది అని అన్నారు. నటుడు రఘుకుంచె మాట్లాడుతూ - మంచి కంటెంట్ ఉంటే తప్పకుండా చిన్న సినిమాను కూడా ఆదరిస్తామని తెలుగు ఆడియెన్స్ "దేవగుడి" విజయంతో మరోసారి ప్రూవ్ చేశారు అని అన్నారు.
Continue with Google