‘ఎఫ్ 2’ మూవీ 5 డేస్ కలెక్షన్స్: 92.8 శాతం రివకరీ, ఇక లాభాలే లాభాలు!

5 రోజుల్లో ఎంత వసూలైంది?

ట్రేడ్ వర్గాల నుంచి అందుతున్న సమాచారం ప్రకారం తొలి 5 రోజుల్లో ప్రపంచ వ్యాప్తంగా రూ. 32.03 కోట్ల షేర్ వసూలైనట్లు తెలుస్తోంది. వరుణ్ తేజ్, వెంకటేష్ మార్కెట్‌తో పోలిస్తే ఇది భారీ మొత్తమే అంటున్నారు.

ఏరియా వైజ్ వివరాలు

నైజాంలో రూ. 8.96 కోట్లు, సీడెడ్ రూ. 3.42, ఉత్తరాంధ్ర రూ. 3.15 కోట్లు, గుంటూరు రూ. 2.33 కోట్లు, ఈస్ట్ రూ. 3.09 కోట్లు, వెస్ట్ రూ. 1.74 కోట్లు, కృష్ణ రూ. 2.30 కోట్లు, నెల్లూరు. రూ. 84 లక్షలు, రెస్టాఫ్ ఇండియా రూ. 1.90 కోట్లు, ఓవర్సీస్ రూ. 4.30 కోట్ల షేర్ రాబట్టింది.

సినిమాను ఎంతకు అమ్మారు?

‘ఎఫ్ 2' థియేట్రికల్ రైట్స్ ప్రపంచ వ్యాప్తంగా అన్ని ఏరియాలకు కలిపి రూ. 34.5 కోట్లకు అమ్మారు. 5 రోజుల్లో రూ. 32.03 రాబట్టడంతో 92.8 శాతం రికవరీ అయినట్లయింది. ఫుల్ రన్‌లో ఈ మూవీ భారీ లాభాలను నమోదు చేస్తుందని అంచనా వేస్తున్నారు.

యూఎస్ఏలో అదరగొడుతోంది

యూఎస్ఏ బాక్సాఫీసు వద్ద సైతం ‘ఎఫ్ 2' మూవీ అదరగొడుతోంది. 3 రోజుల్లోనే 1 మిలియన్ డాలర్ వసూలు చేసిన ఈమూవీ... మంగళవారం నాటికి $1,124,540 రీచ్ అయింది. సెకండ్ ఫస్ట్ వీకెండ్ 1.5 మిలియన్, ఫుల్ రన్‌లో 2 మిలియన్ మార్క్ అందుకునే అవకాశం ఉందని టాక్.