‘ఎఫ్ 2’ థియేటర్లు ప్రేక్షకులతో కళకళ.... 3వ రోజు కలెక్షన్ ఎంతంటే?

తెలుగు రాష్ట్రాల్లో ఎఫ్ 2 వసూళ్లు

తెలుగు రాష్ట్రాల్లో సోమవారం(3డేస్) నాటికి ‘ఎఫ్ 2' మూవీ రూ. 14.9 కోట్ల షేర్ వసూలు చేసింది. శని, ఆదివారాల్లో(రూ. 9.2 కోట్లు) కంటే అధికంగా భోగి పండగ రోజైన సోమవారం(రూ. 5.7 కోట్లు) వసూలు చేసింది.

ఎఫ్ 2 యూఎస్ఏలో...

ఎఫ్ 2 మూవీ యూఎస్ఏ బాక్సాఫీసు వద్ద అదరగొడుతోంది. శుక్రవారం ప్రీమియర్ షోలతో ఇక్కడ ఈ కామెడీ ఎంటర్టెనర్ బాక్సాఫీసు ప్రభంజనం మొదలైంది. ఆదివారం నాటికి టోటల్ $926,566 గ్రాస్ వసూలైంది. సోమవారం 1 మిలియన్ మార్క్ రీచ్ అయింది. ఆదివారం 111 లొకేషన్లలో ప్రదర్శితం అవుతూ $271,784 వసూలు చేయడం ద్వారా ఒక్కో లొకేషన్లో $2,449 యావరేజ్ సాధించింది.

ఎన్టీఆర్ కథానాయకుడు

ఎన్టీఆర్-కథానాయకుడు జనవరి 8న ప్రీమియర్ షోలతో యూఎస్ఏలో బాక్సాఫీసు ప్రయాణం మొదలు పెట్టింది. ఆదివారం నాటికి ఈ చిత్రం టోటల్ గ్రాస్ $862,793 రీచ్ అయింది. ఆదివారం 150 లొకేషన్లలో ప్రదర్శితం అవుతూ $47,332 వసూలు చేసింది. లొకేషన్ యావరేజ్ కేవలం $316 మాత్రమే ఉండటం గమనార్హం.

నిరాశ పరిచిన ‘వినయ విధేయ రామ’

‘వినయ విధేయ రామ' మూవీ యూఎస్ఏ బాక్సాఫీసు వద్ద నిరాశ పరిచింది. జనవరి 10న యూఎస్ఏ బాక్సాఫీసు వద్ద ప్రీమియర్ షోలతో ఈ మూవీ మొదలవ్వగా...ఆదివారం నాటికి టోటల్ గ్రాస్ కేవలం $241,721 వసూలు చేసింది. ఆదివారం 76 లొకేషన్లలో ప్రదర్శితం అవుతూ $8,140 రాబట్టింది. అంటే లొకేషన్ యావరేజ్ $107 మాత్రమే.