F3 8 Days Collections: ఎఫ్3 మూవీకి బిగ్ షాక్.. అప్పుడే అంత తక్కువగా.. ఇంకెంత రావాలంటే!

సూపర్ హిట్ కాంబినేషణ్‌లో ఎఫ్3

సీనియర్ హీరో విక్టరీ వెంకటేష్, మెగా ప్రిన్స్ వరుణ్ తేజ్ కలయికలో సక్సెస్‌ఫుల్ డైరెక్టర్ అనిల్ రావిపూడి తీసిన మల్టీస్టారర్ మూవీనే 'F3'. బడా ప్రొడ్యూసర్ దిల్ రాజు నిర్మాణంలో తెరకెక్కిన ఈ సినిమాలో తమన్నా భాటియా, మెహరీన్ ఫిర్జాదా హీరోయిన్లు. సునీల్, సోనాల్ చౌహాన్ కూడా కీలక పాత్రలను పోషించారు. ఇక, ఈ సినిమాకు దేవీ శ్రీ ప్రసాద్ సంగీతం సమకూర్చాడు.

ఎఫ్3 మూవీ థియేట్రికల్ బిజినెస్

తెలుగు రాష్ట్రాలతో పాటు కర్నాటక, తమిళనాడు, ఓవర్సీస్‌లో కూడా వెంకటేష్, వరుణ్ తేజ్‌కు మంచి ఫాలోయింగ్, మార్కెట్ ఉంది. దీనికితోడు F2 వంటి భారీ హిట్ మూవీ తర్వాత ఇద్దరూ కలిసి చేసిన సినిమా కావడంతో 'ఎఫ్3'కు ప్రపంచ వ్యాప్తంగా ఉన్న అన్ని ఏరియాల్లో కలుపుకుని భారీ స్థాయిలో రూ. 63.60 కోట్ల ప్రి రిలీజ్ బిజినెస్ జరిగింది. దీంతో దీన్ని గ్రాండ్‌గా రిలీజ్ చేశారు.

8వ రోజు ఎక్కడ ఎంత రాబట్టింది

8వ రోజు 'ఎఫ్ 3'కు తెలుగు రాష్ట్రాల్లో కలెక్షన్లు భారీగా పడిపోయాయి. ఫలితంగా నైజాంలో రూ. 23 లక్షలు, సీడెడ్‌లో రూ. 11 లక్షలు, ఉత్తరాంధ్రలో రూ. 12 లక్షలు, ఈస్ట్‌లో రూ. 9 లక్షలు, వెస్ట్‌లో రూ. 6 లక్షలు, గుంటూరులో రూ. 7 లక్షలు, కృష్ణాలో రూ. 6 లక్షలు, నెల్లూరులో రూ. 3 లక్షలతో.. రెండు రాష్ట్రాల్లో కలిపి రూ. 77 లక్షలు షేర్, రూ. 1.25 కోట్లు గ్రాస్‌ను రాబట్టింది.

8 రోజులకు కలిపి ఎంత వచ్చింది

'ఎఫ్ 3' మూవీకి 8 రోజులకు కలిపి కలెక్షన్లు భారీగానే వచ్చాయి. దీంతో నైజాంలో రూ. 16.63 కోట్లు, సీడెడ్‌లో రూ. 5.49 కోట్లు, ఉత్తరాంధ్రలో రూ. 5.30 కోట్లు, ఈస్ట్‌లో రూ. 2.95 కోట్లు, వెస్ట్‌లో రూ. 2.16 కోట్లు, గుంటూరులో రూ. 2.89 కోట్లు, కృష్ణాలో రూ. 2.54 కోట్లు, నెల్లూరులో రూ. 1.58 కోట్లతో.. రెండు రాష్ట్రాల్లో కలిసి రూ. 39.54 కోట్లు షేర్, రూ. 63.40 కోట్లు గ్రాస్‌ను కలెక్ట్ చేసింది.

మిగిలిన ఏరియాల్లో ఎంతొచ్చింది

ఏపీ, తెలంగాణలో రాణించిన 'ఎఫ్ 3' మూవీ.. మిగిలిన ప్రాంతాల్లోనూ పర్వాలేదనిపించింది. రెండు రాష్ట్రాల్లో 8 రోజులకు రూ. 39.54 కోట్లు వసూలు చేసిన ఈ సినిమా.. కర్నాటక ప్లస్ రెస్టాఫ్ ఇండియాలో రూ. 2.67 కోట్లు, ఓవర్సీస్‌లో రూ. 6.80 కోట్లు రాబట్టింది. ఫలితంగా ప్రపంచ వ్యాప్తంగా 8 రోజుల్లోనే ఈ మూవీ రూ. 49.01 కోట్లు షేర్, రూ. 81.80 కోట్లు గ్రాస్ రాబట్టింది.

బ్రేక్ ఈవెన్ టార్గెట్? ఎంత రావాలి

భారీ మల్టీస్టారర్‌గా వచ్చిన 'ఎఫ్ 3' మూవీకి అంచనాలకు అనుగుణంగానే ప్రపంచ వ్యాప్తంగా రూ. 63.60 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 64.50 కోట్లుగా నమోదైంది. ఇక, ఈ సినిమా 8 రోజుల్లో ప్రపంచ వ్యాప్తంగా రూ. 49.01 కోట్లు వసూలు చేసింది. అంటే మరో 15.49 కోట్లు వస్తే ఇది హిట్ స్టేటస్‌ను చేరుకుంటుంది.