F3 9 Days Collections: మేజర్ దెబ్బకు పని చేయని వరుణ్, వెంకీ హవా.. ఆ రేంజ్ లో నష్టాలు వచ్చినట్లే?

ఆ డిమాండ్ తో భారీగా బిజినెస్

2019 లో వచ్చిన F2 సినిమా ఏ స్థాయిలో విజయాన్ని అందుకుందో ప్రత్యేకంగా చెప్పనవసరం లేదు. బాక్సాఫీస్ వద్ద 127 కోట్లకు పైగా కలెక్షన్స్ రావడంతో ఆ సినిమాకు ఫ్రాంచైజ్ గా కొనసాగించాలని దర్శకుడు అనిల్ రావిపూడి మరో కథతో F3 సినిమాను రూపొందించాడు. ఇక ఈ సినిమాకు కాంబినేషన్ తోనే మంచి మార్కెట్ ఏర్పడింది. బాక్సాఫీస్ వద్ద 63.60 కోట్ల ప్రి రిలీజ్ బిజినెస్ జరిగింది.

9వ రోజు వచ్చిన కలెక్షన్స్

మొదటి వారం బాక్సాఫీస్ వద్ద బాగానే నిలబడిన F3 సినిమా 8వ రోజు నుంచి మాత్రం కలెక్షన్స్ చాలా వరకు తగ్గుతూ వచ్చాయి. ఇక తెలుగు రాష్ట్రాల్లో ఏరియాల వారిగా 9వ రోజు వచ్చిన షేర్ కలెక్షన్లు ఈ విధంగా ఉన్నాయి. నైజాంలో రూ. 28 లక్షలు, సీడెడ్‌లో రూ. 13 లక్షలు, ఉత్తరాంధ్రలో రూ. 14 లక్షలు, ఈస్ట్‌లో రూ. 11 లక్షలు, వెస్ట్‌లో రూ. 9 లక్షలు, గుంటూరులో రూ. 8 లక్షలు, కృష్ణాలో రూ. 7 లక్షలు, నెల్లూరులో రూ. 4 లక్షలతో.. రెండు రాష్ట్రాల్లో కలిపి రూ. 99 లక్షలు షేర్, రూ. 1.25 కోట్లు గ్రాస్‌ను రాబట్టింది.

తెలుగు రాష్ట్రాల్లో టోటల్ కలెక్షన్స్

'ఎఫ్ 3' మూవీకి శుక్రవారం కంటే శనివారం రోజు కలెక్షన్స్ బాగానే వచ్చాయి. ఇక టోటల్ గా 9రోజులకు వచ్చిన కలెక్షన్స్ ఈ విధంగా ఉన్నాయి. నైజాంలో రూ. 16.91 కోట్లు, సీడెడ్‌లో రూ. 5.62 కోట్లు, ఉత్తరాంధ్రలో రూ. 5.44 కోట్లు, ఈస్ట్‌లో రూ. 3.06 కోట్లు, వెస్ట్‌లో రూ. 2.23 కోట్లు, గుంటూరులో రూ. 2.97 కోట్లు, కృష్ణాలో రూ. 2.61 కోట్లు, నెల్లూరులో రూ. 1.62 కోట్లతో.. రెండు రాష్ట్రాల్లో కలిసి రూ. 40.46 కోట్లు షేర్, రూ. 65 కోట్లు గ్రాస్‌ ను కలెక్ట్ చేసింది.

వరల్డ్ వైడ్ కలెక్షన్స్

ఏపీ, తెలంగాణలో F 3 సినిమా 9 రోజుల్లో కలెక్షన్స్ పర్వాలేదు అనే విధంగానే వచ్చాయి. ఇక మిగిలిన ఏరియాల్లో వచ్చిన కలెక్షన్స్ ఈ విధంగా ఉన్నాయి. రెండు రాష్ట్రాల్లో 9 రోజులకు రూ. 40.46 కోట్లు వసూలు చేసిన ఈ సినిమా.. కర్నాటక ప్లస్ రెస్టాఫ్ ఇండియాలో రూ. 2.72 కోట్లు, ఓవర్సీస్‌లో రూ. 6.85 కోట్లను సాధించింది. ఇక ప్రపంచ వ్యాప్తంగా 9 రోజుల్లో రూ. 50.03 కోట్లు షేర్, రూ. 83.68 కోట్లు గ్రాస్ రాబట్టింది.

ఇంకా ఎంత రావాలంటే?

కామెడీ మల్టీస్టారర్ గా F2 కు ఫ్రాంచైజ్ గా వచ్చిన F3 సినిమా మంచి డిమాండ్ తోనే బాక్సాఫీస్ వద్ద భారీగా బిజినెస్ చేసింది. టికెట్ల రేట్లు కూడా తగ్గించి ఆడియెన్స్ ను బాగానే ఎట్రాక్ట్ చేశారు. ఇక బాక్సాఫీస్ వద్ద ఈ సినిమా 63.60 కోట్ల ప్రీ రిలీజ్ బిజినెస్ చేయగా 9 రోజుల్లో వరల్డ్ వైడ్ గా 50.03కోట్ల షేర్ అందుకుంది. ఇక సినిమా బ్రేక్ ఈవెన్ అవ్వాలి అంటే ఇంకా 14.47 కోట్ల షేర్ సాధించాలి.

ఆ రేంజ్ లో నష్టాలు?

ప్రస్తుతం మేజర్ తో పాటు విక్రమ్ సినిమా కూడా మంచి కలెక్షన్స్ అందుకుంటున్నాయి. వీకెండ్ అనంతరం కూడా వాటి వసూళ్లు ఇంకా పెరిగే అవకాశం ఉంది. ఇక F3 పై ప్రభావం తప్పేలా లేదని తెలుస్తోంది. థియేట్రికల్ గా ఈ సినిమా బాక్సాఫీస్ వద్ద దాదాపు 8 నుంచి 10కోట్ల మధ్యలోనే నష్టాలు వచ్చే అవకాశం ఉన్నట్లుగా టాక్ వస్తోంది.