హ్యాట్రిక్‌పై కన్నేసిన బాలయ్య.. తొలి రోజు 30 కోట్లతో సంచలనం!

ఇది బాలయ్య సీజన్

సంక్రాంతి అంటే బాలయ్య సినిమాలకు పెట్టింది. బాలకృష్ణ సంక్రాంతి బరిలో నిలిచిన ప్రతిసారి విజయం వరించింది. బలకృష్ణ నటించిన నరసింహ నాయుడు, సమరసింహారెడ్డి, లక్ష్మి నరసింహ లాంటి చిత్రాలు సంక్రాంతికి విడుదలై తిరుగులేని విజయాన్ని సొంతం చేసుకున్నాయి.

'ఎన్టీఆర్' ప్రీమియర్ షో టాక్: సింపుల్‌గా సైకిల్‌పై.. ఆ రెండు సీన్స్‌‌లో దుమ్ముదులిపిన బాలయ్య!

హ్యాట్రిక్‌పై కన్ను

2017లో బాలకృష్ణ నటించిన చారిత్రాత్మక చిత్రం గౌతమి పుత్ర శాతకర్ణి సంక్రాంతికి విడుదలై మంచి విజయాన్ని సొంతం చేసుకుంది. 2018 సంక్రాంతికి విడుదలైన జైసింహా చిత్రం కమర్షియల్ సక్సెస్ సాధించింది. ప్రస్తుతం బాలయ్య ఎన్టీఆర్ కథానాయకుడు చిత్రంతో హ్యాట్రిక్ పై కన్నేశాడు. తాజాగా ఈ చిత్రానికి వస్తున్న రెస్పాన్స్ చూస్తుంటే బాలయ్యకు హ్యాట్రిక్ విజయం ఖాయమైనట్లే అనిపిస్తోంది.

మీ చేతుల్లో సినీ తారల ప్రతిష్ఠ.. ఉత్తమ నటీనటులను, దర్శకులకు ఓటేయండి..

1100 స్క్రీన్స్‌లో విడుదల

ఎన్టీఆర్ కథానాయకుడు చిత్రం ప్రపంచ వ్యాప్తంగా 1100 స్క్రీన్స్‌లో విడుదలవుతోంది. తెలుగు రాష్ట్రాల్లోనే 600 స్క్రీన్స్ లో విడుదలవుతుండడం విశేషం. బాలయ్య కెరీర్ లో ఇంత భారీస్థాయిలో చిత్రం విడుదుల కానుండడం ఇదే తొలిసారి. గతంలో గౌతమి పుత్ర శాతకర్ణి అత్యధిక థియేటర్స్ లో విడుదలయింది. సంక్రాంతి బరిలో ముందుగా విడుదలవుతున్న చిత్రం ఇదే.

ట్రేడ్ విశ్లేషకుల అంచనా

విపరీతమైన క్రేజ్ తో విడుదలవుతున్న ఎన్టీఆర్ కథానాయకుడుపై ట్రేడ్ విశ్లేషకుల్లో కూడా భారీ అంచనాలు నెలకొని ఉన్నాయి. ఈ చిత్రం తొలి రోజు 30 కోట్ల వరకు వసూళ్లు సాధించే అవకాశం ఉందని అంచనా వేస్తున్నారు. అడ్వాన్స్ బుకింగ్స్ కూడా బాగా ఉండడంతో ఎన్టీఆర్ కథానాయకుడు తొలి రోజు వసూళ్లపై ఆసక్తి నెలకొని ఉంది.