ఆర్ఎక్స్ 100 ఫస్ట్ వీక్ కలెక్షన్స్.. తిరుగులేని విజయం!

బోల్డ్ పెర్ఫామెన్స్

ఆర్ఎక్స్ 100 చిత్రంతో హీరో, హీరోయిన్ ఇద్దరూ మంచి గుర్తింపు పొందారు. రొమాంటిక్, లవ్, ఎమోషన్ సన్నివేశాలలో వీరి నటనకు యువతని విపరీతంగా ఆకట్టుకుంది. చిత్ర దర్శకుడు అజయ్ భూపతి అయితే ఓవర్ నైట్ సెన్సేషన్ గా మారిపోయాడు.

తెలుగు రాష్ట్రాల్లో

తిరుగులేని వసూళ్లతో తొలి వారాన్ని ఈ చిత్రం విజయవంతంగా ముగించుకుంది. రెండు తెలుగు రాష్ట్రాల్లో ఈ చిత్రం ఫస్ట్ వీక్ లో దదాపు 7.5 కోట్ల షేర్ రాబట్టడంవిశేషం. ప్రపంచ వ్యాప్తంగా 8 కోట్లకు పైగా షేర్ రాబట్టింది. ఈ వీకెండ్ ముగిసే సమయానికి ఏ చిత్రం 10 కోట్ల రాబట్టడం ఖాయం అని ట్రేడ్ పండితులు అంచనా వేస్తున్నారు.

నైజాంలో అదిరేలా

నైజాంలో ఆర్ఎక్స్ 100 చిత్రం వసూళ్లు అదుర్స్ అనిపించే విధంగా ఉన్నాయి. తొలి వారంలో ఈ చిత్రం నైజాంలో 3.65 కోట్లు రాబట్టడం విశేషం. ఉత్తరాంధ్రలో 86, సీడెడ్ లో 88 లక్షలు రాబట్టింది.

క్యూ కడుతున్న ఆఫర్స్

ఈ చిత్ర దర్శకుడు అజయ్ భూపతి ప్రస్తుతం టాలీవుడ్ లో సంచలనంగా మారాడు. బడా నిర్మాణ సంస్థలు, క్రేజీ హీరోల నుంచి అజయ్ కు ఆఫర్స్ వస్తున్నట్లు తెలుస్తోంది. ఈ దర్శకుడు తదుపరి నితిన్ తో సినిమా చేసేందుకు ప్రయత్నాలు జరుగుతున్నట్లు వార్తలు వస్తున్నాయి.