Gaami Day 1 Collections గామికి రికార్డు కలెక్షన్లు.. భారీ వసూళ్లతో సత్తా చాటిన విశ్వక్ సేన్.. ఎన్ని కోట్లంటే?

Updated: Saturday, March 9, 2024, 11:57 [IST]

మాస్ కా దాస్ విశ్వక్ సేన్ నటించిన అడ్వెంచరస్ థ్రిల్లర్ గామి బాక్సాఫీస్ వద్ద భారీ వసూళ్లను నమోదు చేసింది. మహాశివరాత్రి పర్వదినం కానుకగా రిలీజైన ఈ సినిమా టెక్నికల్ బ్రిల్లియెన్స్, విజువల్ వండర్‌గా రూపుదిద్దుకొన్న ఈ సినిమాకు అన్ని వర్గాల నుంచి మంచి స్పందన రావడం తెలిసిందే. క్రిటిక్స్, సాధారణ ప్రేక్షకుల నుంచి సానుకూల స్పందన రావడంతో భారీ ఓపెనింగ్స్ నమోదయ్యాయి. ఈ సినిమా కలెక్షన్ల వివరాల్లోకి వెళితే..

హిమాలయ పర్వత శ్రేణుల్లో ప్రతికూల పరిస్థితుల్లో ఈ సినిమాను భారీ ఖర్చుతో నిర్మించారు. కార్తీక్ కల్ట్ క్రియేషన్స్, వీ సెల్యూలాయిడ్ బ్యానర్లపై నిర్మాత కార్తీక్ సబరీష్ నిర్మాణంలో నూతన దర్శకుడు విద్యాధర్ రావు కగిత ఈ మూవీని సుమారుగా 24 కోట్ల రూపాయల వ్యయంతో తెరకెక్కించారు. ఈ సినిమా ప్రీ రిలీజ్ బిజినెస్ 11 కోట్ల మేర జరిగిందని ట్రేడ్ వర్గాలు వెల్లడించాయి.

Gaami Day 2 Expected Box Office Collections Worldwide

గామి చిత్రం 12 కోట్ల రూపాయల బ్రేక్ ఈవెన్ టార్గెట్‌తో బాక్సాఫీస్ జర్నీని మొదలుపెట్టింది. ఈ సినిమాను ప్రపంచవ్యాప్తంగా సుమారుగా 1000 స్క్రీన్లలో రిలీజ్ చేశారు. ఆంధ్రా, తెలంగాణలో ఈ సినిమాను 600 స్క్రీన్లకుపైగా, ఇతర రాష్ట్రాల్లో 150 స్క్రీన్లకుపైగా, ఓవర్సీస్‌లో 200 స్క్రీన్లలో గ్రాండ్‌గా రిలీజ్ చేశారు.

ఓ ఎమోషనల్ పాయింట్‌తో థ్రిల్లింగ్ గురి చేసే అంశంతో రూపొందిన అడ్వెంచరస్ మూవీ రిలీజ్‌కు ముందు భారీ బజ్ క్రియేట్ చేసింది. దాంతో తొలి రోజు మెరుగైన ఆక్యుపెన్సీ నమోదైంది. ఈ సినిమా తొలి రోజు 45 నుంచి 50 శాతం ఆక్యుపెన్సీ నమోదైంది. దాంతో విశ్వక్ సేన్ కెరీర్‌లో ది బెస్ట్ కలెక్షన్లు నమోదు కావడానికి అవకాశం ఏర్పడింది. ఈ సినిమా రెండో రోజు కూడా స్ట్రాంగ్‌గా అంటే 40 శాతం ఆక్యుపెన్సీని రిజిస్టర్ చేసే అవకాశం ఉంది.

గామి చిత్రం తొలి రోజు రికార్డు వసూళ్లను సాధించింది. ఈ సినిమాకు ఓవర్సీస్‌లో ప్రీమియర్లు, ఫస్ట్ డే కలెక్షన్లను చూస్తే.. సుమారుగా 300K అమెరికన్ డాలర్లు అంటే ఈ సినిమా 2.5 కోట్ల రూపాయలు వసూలు చేసిందని సినిమా యూనిట్ వెల్లడించింది. ఇక మూవీ తెలుగు రాష్ట్రాల్లో సుమారుగా 4.5 కోట్ల నికరంగా కలెక్ట్ చేసింది. దాంతో ఈ సినిమా 7 కోట్ల రూపాయలు నెట్ కలెక్షన్లను, 9.07 కోట్ల రూపాయల గ్రాస్ వసూళ్లను నమోదు చేసింది.

గామి బ్రేక్ ఈవెన్ విషయానికి వస్తే.. ఈ సినిమా 11 కోట్లు సంపాదిస్తే లాభాల జోన్‌లోకి ప్రవేశించే అవకాశం ఉంది. ఇప్పటికే ఈ సినిమా 7 కోట్ల మేర నికర వసూళ్లు సాధించింది. అయితే షేర్ ఎంత అనేది తెలియాల్సి ఉంది. కాబట్టి తొలివారంలో ఈ సినిమా బ్రేక్ ఈవెన్ సాధించే అవకాశం ఉంది అని ట్రేడ్ వర్గాలు అభిప్రాయపడుతున్నాయి.

More from Filmibeat