బాలయ్య కెరీర్లోనే ది బెస్ట్: ‘గౌతమీపుత్ర శాతకర్ణి’ ప్రీ రిలీజ్ బిజినెస్ డిటేల్స్

బాలయ్య కోరీర్లోనే అత్యంత ప్రతిష్టాత్మకంగా తెరకెక్కుతున్న చిత్రం ‘గౌతమీపుత్ర శాతకర్ణి’. సంక్రాంతికి విడుదలవుతున్న ఈచిత్రంపై అంచనాలు భారీగా ఉన్నాయి.

By Bojja Kumar

Updated: Tuesday, April 18, 2017, 11:43 [IST]

హైదరాబాద్: బాలయ్య కోరీర్లోనే అత్యంత ప్రతిష్టాత్మకంగా తెరకెక్కుతున్న చిత్రం 'గౌతమీపుత్ర శాతకర్ణి'. సంక్రాంతికి విడుదలవుతున్న ఈచిత్రంపై అంచనాలు భారీగా ఉన్నాయి. అంచనాలకు తగిన విధంగానే ఈ సినిమాకు ప్రీ రిలీజ్ బిజినెస్ భారీగా జరిగింది.

ఈ చిత్రానికి సంబంధించిన థియేట్రికల్ రైట్స్ అన్ని ఏరియాల్లో కలిసి రూ. 46.8 కోట్లకు అమ్ముడు పోయినట్లు తెలుస్తోంది. బాలయ్య కెరీర్లోనే ఇది బెస్ట్ రేటు. అంటే ప్రపంచ వ్యాప్తంగా రూ. 50 కోట్లు షేర్ వస్తే సినిమా లాభాల బాటలో నడుస్తుందన్నమాట.

అయితే సంక్రాంతి సీజన్ కావడం, తెలుగు వారికి సంబంధించిన చారిత్రక చత్రం కావడం, అంచనాలు భారీగా ఉండటంతో సినిమా ఈజీగా రూ. 50 కోట్ల షేర్ సాదిస్తుందని అంచనా వేస్తున్నారు. ఏరియాల వారీగా ఈ సినిమా థియేట్రికల్ రైట్స్ ఎంతకు అమ్ముడయ్యాయనే వివరాలపై ఓ లుక్కేద్దాం.

నైజాం

నైజాం ఏరియాలో ‘గౌతమీపుత్ర శాతకర్ణి' సినిమాను శ్రేష్ఠ్ మూవీస్ వారు రూ. 9 కోట్లకు కొనుగులు చేసారు. ఇది హీరో నితిన్ కు సంబంధించిన డిస్ట్రిబ్యూషన్ సంస్థ.

సీడెడ్, ఉత్తరాంధ్ర

సీడెడ్, ఉత్తరాంధ్ర రెండు ఏరియాలు కలిపి ప్రముఖ నిర్మాత, డిస్ట్రిబ్యూటర్ సాయి కొర్రపాటి రూ. 12.5 కోట్లకు కొనుగోలు చేసారు. బాలయ్యకు సాయి కొర్రపాటి వీరాభిమాని, ఆయన గత సినిమా లెజెండ్ చిత్రాన్ని ఈయనే నిర్మించారు.