‘గీత గోవిందం’ కలెక్షన్ల సునామీ, రూ. 50 కోట్ల క్లబ్బులో ఎంట్రీ, భారీ లాభాలు!

ఆదివారం కలెక్షన్లతో రూ. 50 కోట్లు

తొలి రెండు రోజుల్లోనే ఈ చిత్రం రూ. 25 కోట్ల గ్రాస్ వసూలు చేయడంతో వీకెండ్ పూర్తయ్యే సమయానికి ఈజీగా రూ. 50 కోట్ల క్లబ్‌లో చేరుతుందని ట్రేడ్ విశ్లేషకులు అంచనా అంచనా వేశారు. వారు ఊహించినట్లే ఆదివారంతో ‘గీత గోవిందం' వసూళ్లు రూ. 50 కోట్ల మార్కును రీచ్ అవ్వడం ఖాయమని తేలిపోయింది.

వసూళ్లు అదుర్స్

‘గీత గోవిందం' మూవీ తొలి రోజు రూ. 16 కోట్లకుపైగా గ్రాస్ వసూలు చేయగా, రెండో రోజుతో వసూళ్లు రూ. 25 కోట్లను అధిగమించింది. మూడో రోజైన శుక్రవారం 34 కోట్ల మార్కను అందుకోగా, శనివారం నాటికి టోటల్ గ్రాస్ రూ. 45 కోట్లను రీచ్ అయింది. ఆదివారం సెలవు రోజు కావడంతో రూ. 50 కోట్ల మార్కును అందుకుంటుందనే విషయంలో ఎలాంటి సందేహం లేదు.

భారీ లాభాలు

‘గీత గోవిందం' థియేట్రికల్ రైట్స్ రూ. 15 కోట్లకు అమ్మారు. రెండో రోజు వసూళ్లతోనే ఈ మొత్తం షేర్ రికవరీ అయింది. తొలి నాలుగు రోజుల్లో టోటల్ షేర్ రూ. 25.12 కోట్లకు రీచ్ అయింది. భారీ లాభాలు వస్తుండటంతో డిస్ట్రిబ్యూటర్స్ సంబరాల్లో మునిగిపోయారు.

ఫుల్‌రన్‌లో ఎంత రాబడుతుందో?

సినిమా ఫస్ట్ వీక్ పూర్తయ్యే సమయానికి ఈజీగా రూ. 70 నుండి 80 కోట్ల గ్రాస్ వసూలు చేస్తుందని అంచనా వేస్తున్నారు. మరి ఫుల్ రన్‌లో ఈ చిత్రం ఎంత వసూలు చేస్తుందో అని అంతా ఆసక్తిగా ఎదురు చూస్తున్నారు. విజయ్ దేవరకొండ కెరీర్లో ‘గీత గోవిందం' బిగ్గెస్ట్ హిట్‌గా నమోదైంది.