Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సంపత్ నందికి రిలీఫ్
హైదరాబాద్: ఇప్పుడున్న పరిస్దితుల్లో చిన్న సినిమాకు శాటిలైట్ రైట్స్ అమ్మటం అనేది చాలా పెద్ద సవాల్ గా మారింది. అందులోనూ యావరేజ్ లేదా ప్లాఫ్ టాక్ వచ్చిన సినిమా కు అయితే మరీను. దాంతో శాటిలైట్ రైట్స్ అమ్మితే నిర్మాత చాలా రిలీఫ్ ఫీలవుతున్నారు. తాము పెట్టిన పెట్టుబడిలో కొంతలోకొంత రికవరీ అయ్యిందని ఆనందపడుతున్నారు. మరో ప్రక్క దర్శకుడు,టెక్నీషియన్స్ త్వరలో తమ సినిమా చూడనివారు సైతం టీవిల్లో చూస్తారనే ఉత్సాహం వారిలో కనపడుతుంది. తాజాగా 'గాలిపటం' చిత్రం శాటిలైట్ రైట్స్ అమ్ముడయ్యాయి. ఈ చిత్రాన్ని జెమినీ టీవి వారు మంచి రేటుకే తీసుకున్నట్లు ట్రేడ్ వర్గాల సమాచారం. దాంతో నిర్మాత సంపత్ నంది రిలీఫ్ గా ఉన్నారు.
పవన్ తో ...గబ్బర్ సింగ్ 2 చేస్తున్న ...సంపత్ నంది ఇప్పుడు 'గాలి పటం' సినిమాతో నిర్మాతగా మారారు. అతని స్నేహితులు కిరణ్, విజయ్లతో కలసి ఎల్.ఎ.టాకీస్ పతాకంపై ఈ సినిమా నిర్మించారు. ఈ చిత్రం ద్వారా నవీన్ గాంధీ దర్శకునిగా పరిచయం అయ్యారు. ఆది, రాహుల్, ఎరికా ఫెర్నాండేజ్, క్రిస్టినా అకీవా ప్రధాన పాత్రధారులు.
''సినిమా చూశాక ప్రేక్షకులు బాగుందనో, బాగోలేదనో చెబుతుంటారు. 'గాలిపటం' చూసి బయటికొచ్చిన వాళ్లు మాత్రం కొత్తగా ఉందంటున్నారు. మేం నమ్మిన ఆ కొత్తదనమే ప్రేక్షకుల్ని బాగా ఆకట్టుకుంది. ఇలాంటి చిత్రాలకు ప్రోత్సాహం దక్కితే మేలు జరుగుతుంది. మరిన్ని కొత్త తరహా చిత్రాలు రూపుదిద్దుకొనే అవకాశాలుంటాయి'' అన్నారు సంపత్ నంది.
ఆది మాట్లాడుతూ ''ఇదివరకు నేను నటించిన రెండు చిత్రాలు సరైన ఫలితాన్ని ఇవ్వలేదు. 'గాలిపటం'తో లభించిన విజయం నాలో కొత్త ఉత్సాహాన్ని నింపింది. మా కొత్త ప్రయత్నం మంచి ఫలితం అందించింద''న్నారు. ''యువతరంతో పాటు కుటుంబ ప్రేక్షకులకూ సినిమా బాగా నచ్చింద''న్నారు దర్శకుడు.
ప్రీతిరాణా, పోసాని కష్ణమురళి, సప్తగిరి, వేణు, చంద్ర, దువ్వాసి మోహన్, శ్రీమన్నారాయణ, రామారావు, ప్రగతి, హేమ, శకుంతల, గీతాంజలి, రేఖ, రత్నాసాగర్, పావలా శ్యామల తదితరులు నటిస్తున్న ఈ చిత్రానికి నిర్మాతలు: సంపత్నంది, కిరణ్ ముప్పువరపు, విజయకుమార్ వట్టికూటి, ఎగ్జిక్యూటివ్ నిర్మాత: యం.యస్.కుమార్.