Guntur Kaaram USA Collections: యూఎస్ గడ్డపై మహేశ్ మరో రికార్డు.. రెండో హీరోగా సెన్సేషన్

తెలుగు చిత్ర పరిశ్రమలో సంక్రాంతి సీజన్‌కు ఎంతటి ప్రాధాన్యత ఉంటుందో ప్రత్యేకంగా చెప్పనక్కర్లేదు. అందుకే ఈ పండుగ సమయంలో సినిమాలు రిలీజ్ చేసేందుకు చాలా మంది పోటీ పడుతుంటారు. అలా ప్రతి ఏడాది చాలా చిత్రాలు ప్రేక్షకులను అలరిస్తున్నాయి.

Recommended Video

ఈ క్రమంలోనే ఇప్పుడు కూడా కొన్ని మూవీలు వచ్చాయి. అందులో సూపర్ స్టార్ మహేశ్ బాబు నటించిన 'గుంటూరు కారం' ఒకటి. క్రేజీ కాంబోలో రూపొందిన ఈ చిత్రానికి వసూళ్లు పోటెత్తుతున్నాయి. ఈ నేపథ్యంలో తాజాగా ఇది యూఎస్‌లో రికార్డు నమోదు చేసింది. ఆ వివరాలను మీరే చూడండి!

కమర్షియల్ స్టోరీతో వచ్చింది: సూపర్ స్టార్ మహేశ్ బాబు - త్రివిక్రమ్ శ్రీనివాస్ కలయికలో వచ్చిన చిత్రమే 'గుంటూరు కారం'. ఈ మూవీని హారిక హాసినీ క్రియేషన్స్ బ్యానర్‌పై రాధాకృష్ణ నిర్మించారు. శ్రీలీల, మీనాక్షి చౌదరి ఇందులో హీరోయిన్లుగా నటించారు. అలాగే, ఈ సినిమాలో ప్రకాశ్ రాజ్, జగపతిబాబు, జయరాం, రమ్యకృష్ణలు కీలక పాత్రల్లో కనిపించారు. థమన్ ఈ సినిమాకు మ్యూజిక్ అందించాడు.

అక్కడ భారీ స్థాయిలో రిలీజ్: కమర్షియల్ ఎంటర్‌టైనర్‌గా రూపొందిన 'గుంటూరు కారం' మూవీకి సంబంధించి ఓవర్సీస్‌లో దీనికి సంబంధించిన బుకింగ్స్ ఎప్పుడో మొదలయ్యాయి. అక్కడ ఈ చిత్రానికి అదిరిపోయే రెస్పాన్స్ కూడా లభిస్తోంది. ముఖ్యంగా జనవరి 11న ఈ సినిమాకు సంబంధించి 5408 ప్రీమియర్ షోలు ప్లాన్ చేశారు. తద్వారా RRR సినిమా రికార్డును ఈ సినిమా సమం చేసేసింది.

2 మిలియన్ మార్క్ కొట్టాడు: త్రివిక్రమ్ దర్శకత్వంలో మహేశ్ బాబు నటించిన 'గుంటూరు కారం' మూవీకి సంబంధించి యూఎస్‌లో అడ్వాన్స్ సేల్స్ భారీ స్థాయిలోనే సాగాయి. ఫలితంగా అక్కడ వేల సంఖ్యలో టికెట్లు కూడా అమ్ముడుపోయాయి. ఆ తర్వాత కూడా ఈ చిత్రం భారీగానే రెస్పాన్స్‌ను సొంతం చేసుకుంటోంది. ఇలా ఈ సినిమా యూఎస్‌లో అప్పుడే 2 Million డాలర్ల మార్క్ దాటేసింది.

ఐదు సార్లు ఈ మార్క్ దాటి: సూపర్ స్టార్ మహేశ్ బాబు హీరోగా త్రివిక్రమ్ శ్రీనివాస్ తెరకెక్కించిన 'గుంటూరు కారం' మూవీ యూఎస్‌లో 2 Million డాలర్ల మార్కును దాటేసింది. తద్వారా ఈ ఫీట్ సాధించిన అతడి 5వ సినిమాగా ఇది నిలిచింది. గతంలో మహేశ్ బాబు కెరీర్‌లో 'శ్రీమంతుడు', 'భరత్ అనే నేను', 'సరిలేరు నీకెవ్వరు', 'సర్కారు వారి పాట' మూవీలు ఈ మార్క్‌ను చేరాయి.

టాలీవుడ్‌లో రెండో హీరోగా: యూఎస్‌లో ఎక్కువ సార్లు 2 Million డాలర్లు మార్కును చేరిన తెలుగు హీరోల లిస్టులో సూపర్ స్టార్ మహేశ్ బాబు ఐదు సినిమాలతో 2వ స్థానానికి చేరాడు. ఈ జాబితాలో రెబెల్ స్టార్ ప్రభాస్ ఆరు సినిమాలతో అందరి కంటే ముందున్నాడు. వీళ్ల తర్వాత చిరంజీవి, ఎన్టీఆర్ మూడు సినిమాలతో మూడో స్థానంలో నిలిచారు. పవన్, బన్నీ, చరణ్ రెండు సినిమాలతో తర్వాత ఉన్నారు.