హలో గురు ప్రేమ కోసమే షాకింగ్ కలెక్షన్లు.. తొలి రోజు అంచనాలకు భిన్నంగా

నైజాంలో కలెక్షన్లు

నైజాంలో హలో గురు ప్రేమ కోసమే చిత్రాన్ని భారీ సంఖ్యలో విడుదల చేశారు. సెలవు దినం కావడంతో తొలి రోజున ఏ గ్రేడ్ సెంటర్లలో మంచి స్పందన కనిపించింది. ఈ చిత్రం నైజాంలోనే రూ. 2.45 కోట్ల కలెక్షన్లను వసూలు చేసినట్టు ట్రేడ్ వర్గాలు వెల్లడిస్తున్నాయి. దాదాపు తొలి రోజే రూ.1.53 కోట్ల షేర్ రాబట్టినట్టు తెలుస్తున్నది.

ఆంధ్రాలో యావరేజ్‌గా

ఇక ఆంధ్రాలో సినిమా కలెక్షన్లు యావరేజ్‌గా ఉన్నాయని తెలుస్తున్నది. ఈ చిత్రానికి వైజాగ్ లాంటి సెంటర్లలో పెద్దగా స్పందన కనిపించలేదనేది తాజా సమాచారం. ఆంధ్రాలో ఈ చిత్రం రూ.2.60 కోట్లు కలెక్షన్లు సాధించినట్టు తెలిసింది. నికరంగా రూ.1.73 కోట్లు నమోదైనట్టు సమాచారం.

మిగితా ప్రదేశాల్లో

ఆంధ్రా, తెలంగాణలో మొత్తం కలిపి ఈ చిత్రం రూ.5.7 కోట్ల వసూళ్లు నమోదైనట్టు ప్రాథమికంగా తెలిసింది. తెలంగాణ, ఆంధ్రేతర ప్రాంతాల్లో ఈ చిత్రం మరో రూ.1.5 కోట్లు వసూలు చేసినట్టు ట్రేడ్ వర్గాలు వెల్లడిస్తున్నాయి.

రూ.24 కోట్లకు అమ్మకం

త్రినాథ రావు నక్కిన దర్శకత్వంలో రూపొందించిన రొమాంటిక్ కామెడీ చిత్రానికి సంబంధించిన వరల్డ్ థ్రియేట్రికల్ రైట్స్‌ను 24 కోట్లకు అమ్మినట్టు ప్రచారం జరిగింది. వారాంతంలో అన్ని సెలవులు కాబట్టి మరింత మెరుగైన కలెక్షన్లను రాబట్టే అవకాశం లేకపోలేదు. కానీ ఈ చిత్రం రూ.24 కోట్లు వసూలు చేస్తుందా అనే విషయంపై ట్రేడ్ వర్గాలు పెదవి విరుస్తున్నాయి.