యూఎస్‌లో వసూళ్ల రీసౌండ్, రంగస్థలం కబ్జా చేయడం ఖాయం.. చిట్టిబాబు తడాఖా!

అంచనాలకు తగ్గట్లుగా

భారీ అంచనాలతో రంగస్థలం చిత్రం నేడు ప్రేక్షకుల ముందుకు వచ్చింది. దర్శకుడు సుకుమార్ చిత్రాన్ని అంచనాలకు అనుగుణంగా చిత్రీకరించడం, చిట్టిబాబుగా రాంచరణ్ నటన అబ్బురపరిచే విధంగా ఉండడంతో పాజిటివ్ రెస్పాన్స్ సొంతం చేసుకుంది.

బాక్స్ ఆఫీస్‌పై దాడి షురూ

రంగస్థలం చిత్రానికి పాజిటివ్ టాక్ రావడంతో ప్రపంచ వ్యాప్తంగా వసూళ్ల సునామి ఖాయం అని సినీ వర్గాలు అంచనా వేస్తున్నాయి. ఈ మధ్యకాలంలో తెలుగు ప్రేక్షకులు చూడని భిన్నమైన కథ, కథనంతో ఈ చిత్రం వచ్చింది. దీనితో అందరిలోనూ ఈ చిత్రం గురించి ఆసక్తి నెలకొని ఉంది.

యూఎస్ ప్రీమియర్స్‌కు కళ్ళు చెదిరేలా

అనుకున్నట్లుగానే రంగస్థలం చిత్రంకు భారీ వసూళ్ల ప్రవాహం మొదలైంది. యూఎస్ ప్రీమియర్స్ తోనే ఈ చిత్రం 620000 డాలర్లు వసూలు చేసినట్లుతెలుస్తోంది. ఈ లెక్కన యుఎస్ డిస్ట్రిబ్యూటర్ కు లాభాల పంట పడుతున్నాడని అంచనా వేస్తున్నారు.

రికార్డుల కబ్జా ఖాయం

రంగస్థలం చిత్రం కలెక్షన్ల పరంగా టాప్ 10 వరుసలో ఉన్న కొన్ని చిత్రాల స్థానాలని కబ్జా చేయడం ఖాయంగా కనిపిస్తోంది. రంగస్థలం చిత్ర ఓపెనింగ్ వసూళ్లే కళ్ళు చెదిరేవిధంగా ఉండబోతున్నాయి.

ఆ చిత్రాల తరువాతి ప్లేస్‌లో

యూఎస్ ప్రీమియర్స్ విషయంలో రంగస్థలం చిత్రం బాహుబలి 2, అజ్ఞాతవాసి, బాహుబలి, ఖైదీ నెం 150 మరియు స్పైడర్ చిత్రాల తరువాత ఆరవ స్థానం ఆక్రమించింది. పల్లె టూరి నేపథ్యంలో వచ్చిన చిత్రం కావడంతో అందరూ ఈ చిత్రాన్ని చూడడానికి ఆసక్తి చూపుతుండడం కలసి వచ్చే అంశం.

చిట్టిబాబు తడాఖా

మెగాస్టార్ చిరంజీవికి ఖైదీ చిత్రంలాగా రాంచరణ్ కు రంగస్థలం చిత్రం అపురూపంగా నిలిచిపోనుంది. చిట్టిబాబు పాత్రలో రాంచరణ్ తన నటవిశ్వరూపాన్ని ప్రదర్శించాడు.