Click it and Unblock the Notifications
Box Office: 7 రోజుల్లో 3800 కోట్ల కలెక్షన్లు.. బాక్సాఫీస్ను ఊచకోత కోస్తున్న మూవీ ఏంటో తెలుసా?
అమెరికన్ యానిమేషన్ మూవీ ఇన్సైడ్ అవుట్ 2 సినిమా బాక్సాఫీస్ వద్ద కలెక్షన్ల వర్షం కురిపిస్తున్నది. ఈ సినిమాను హాలీవుడ్లో ప్రముఖ నిర్మాణ సంస్థలు వాల్డ్ డిస్నీ స్టూడియోస్ మోషన్ పిక్చర్స్ బ్యానర్ రూపొందించింది. కెల్స్లే మాన్ దర్వకత్వంలో రూపొందిన ఈ చిత్రానికి మార్క్ నీల్సెన్ నిర్మాతగా వ్యవహరించారు. అమీ పోచ్లెర్, మాయా హాకే, లిజా లపిరా, టోని హాలే తదితరులు తమ సహకారం అందించారు. సమ్మర్, పిల్లలను టార్టెట్గా చేసుకొని వచ్చిన ఈ చిత్రం జూన్ 14వ తేదీన ప్రపంచవ్యాప్తంగా రిలీజైంది. అయితే ఈ సినిమా అనూహ్యంగా కలెక్షన్లు రాబట్టడం సంచలనంగా మారింది. ఈ మూవీ బాక్సాఫీస్ రిపోర్టుపై ఓసారి లుక్కేద్దాం.
యానిమేషన్ రంగంలో అత్యంత సాంకేతిక విలువలతో రూపొందిన ఇన్సైడ్ అవుట్ 2 సినిమాను మంచి క్వాలిటీతో రూపొందించారు. రాజీ పడకుండా వీఎఫ్ఎక్స్, గ్రాఫిక్ వర్క్ కోసం భారీగా ఖర్చు చేశారు. ఈ సినిమాకు సుమారుగా 300 మిలియన్ డాలర్లు అంటే భారతీయ కరెన్సీలో 2500 కోట్ల రూపాయల బడ్జెట్తో తెరకెక్కించారు.
ఇండియాలో ఈ సినిమాను అత్యధిక థియేటర్లలో రిలీజ్ చేశారు. కానీ ఈ సినిమా వచ్చిందనే కనీస సమాచారం లేకపోవడం వల్ల ప్రేక్షకులు థియేటర్ రాలేకపోతున్నారనే వాదన వినిపిస్తున్నది. ఈ సినిమా గత వారంలో రోజుల్లో ఇండియన్ బాక్సాఫీస్ వద్ద 12 కోట్లు నికరంగా, 14 కోట్ల రూపాయల గ్రాస్ వసూళ్లను రాబట్టింది.
ఇక నార్త్ అమెరికాలో ఈ సినిమా కలెక్షన్ల కుంభవృష్టి కురుస్తున్నది. హాలీవుడ్లో టాప్ 15 సినిమాల్లో ఒకటిగా నిలిచింది. అయితే ఈ సినిమా అంచనాలకు భిన్నంగా సోమ, మంగళవారాల్లో రికార్డు కలెక్షన్లను రాబట్టడం ట్రేడ్ వర్గాలను కూడా ఆశ్చర్యానికి గురి చేసింది. ప్రముఖ క్రిటిక్ వెబ్ సైట్స్ మంచి రేటింగ్ను ఇవ్వడంతో కలెక్షన్లు రికార్డు స్థాయిలో ఉన్నాయి.
ఇక అమెరికా యేతర దేశాల్లో కూడా ఇన్సైడ్ అవుట్ 2 చిత్రం కాసుల పంటను పండిస్తున్నది. ఈ చిత్రం ఇప్పటికే 203 మిలియన్ డాలర్లు అంటే.. ఇండియన్ కరెన్సీలో 1700 కోట్ల రూపాయలు రాబట్టింది. ఇంకా ఈ సినిమా రికార్డు కలెక్షన్లు రాబట్టే అవకాశం ఉందని ట్రేడ్ వర్గాలు వెల్లడిస్తున్నాయి.
ఇన్సైడ్ అవుట్ 2 చిత్రం ప్రపంచవ్యాప్తంగా కలెక్షన్ల వివరాల్లోకి వెళితే. ఈ చిత్రం ఇప్పటికే 450 మిలియన్ డాలర్లు వసూలు చేసింది. అంటే ఈ సినిమా సుమారుగా 3800 కోట్ల రూపాయలను వసూలు చేసింది. ఈ సినిమాను 2500 కోట్లతో నిర్మించారు. ఈ సినిమా కలెక్షన్లు ఎక్కడ ఆగుతాయో.. వేచి చూడాల్సిందే.
Continue with Google