Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జగదేక వీరుడు అతిలోక సుందరి కలెక్షన్ల హోరు.. రికార్డుల సంచలనం.. అప్పట్లో ఎంత వసూలంటే..
మెగాస్టార్ చిరంజీవి, అతిలోక సుందరి శ్రీదేవి జంటగా నటించిన జగదేక వీరుడు అతిలోక సుందరి చిత్రం సృష్టించిన రికార్డులు టాలీవుడ్ చరిత్రలో ఓ మైలురాయిగా నిలచాయి. దర్శకేంద్రుడు రాఘవేంద్రరావు రూపొందించిన ఈ దృశ్యకావ్యం తెలుగు సినిమా బాక్సాఫీస్ చరిత్రలో అనేక రికార్డులను క్రియేట్ చేసింది. అప్పట్లో ఈ చిత్రం వసూలు చేసిన కలెక్షన్లు దక్షిణాదిలోనే కాకుండా దేశవ్యాప్తంగా సంచలనం రేపాయి. అయితే ఈ చిత్రం అప్పట్లో ఎంత కలెక్ట్ చేసిందంటే..
Recommended Video
8 కోట్ల బడ్జెట్తో
ప్రముఖ నిర్మాత సీ అశ్వినిదత్ తన సొంత బ్యానర్ వైజయంతీ మూవీస్పై జగదేక వీరుడు అతిలోక సుందరి చిత్రాన్ని రూపొందించారు. అప్పట్లో ఈ చిత్రానికి బడ్జెట్ రూ.8 కోట్లు. ఇప్పుటి పరిస్థితులతో పోల్చుకొంటే దాదాపు 63 కోట్ల రూపాయలుగా అంచనా వేసుకోవచ్చు. అత్యాధునిక సాంకేతికతతో, గ్రాఫిక్స్కు పెద్ద పీటవేశారు. అన్ని విభాగాల్లో హై టెక్నికల్ వ్యాల్యూస్తో తెరకెక్కించడం జరిగింది.
రికార్డు స్థాయిలో 100 రోజుల పండుగ
జగదేక వీరుడు అతిలోక సుందరి చిత్రం రిలీజ్ సమయంలో ఎదురైన ప్రతికూల తుఫాన్ పరిస్థితులను ఎదురించి ప్రేక్షకులను థియేటర్కు పరుగులు పెట్టేలా చేసింది. ఈ చిత్రం 47 కేంద్రాల్లో 50 రోజులు, 29 కేంద్రాల్లో 100 రోజులు పండుగను చేసుకొన్నది. అప్పట్లో ఈ రేంజ్లో సినిమా ఆడటం ఓ రికార్డుగా సినీ వర్గాలు చెప్పుకొంటాయి.
హైదరాబాద్లో సెన్సేషన్
ఇక తెలుగు సినిమా చరిత్రలో హైదరాబాద్లోని సుదర్శన్ థియేటర్ ఓ రికార్డుకు వేదికగా మారింది. ఈ చిత్రం 100 రోజులకు 30లక్షలకుపైగా రాబట్టింది. అలాగే 162 రోజులకు ఈ చిత్రం రూ.40 లక్షల గ్రాస్ వసూలు చేయడం నైజాం ఏరియాలో ఓ సింగిల్ థియేటర్ అత్యధికంగా వసూలు చేసిన చిత్రంగా ఓ ఘనతను సొంతం చేసుకొన్నది.
ఏరియాల వారీగా రికార్డులు
ఇక జగదేక వీరుడు అతిలోక సుందరి చిత్రం ఆంధ్రప్రదేశ్ వ్యాప్తంగా కలెక్షన్లు ఇలా నమోదు అయ్యాయి. నైజాంలో ఈ చిత్రం రూ.1.5 కోట్లు వసూలు చేయడం అప్పట్లో ఓ రికార్డుగా చెప్పుకొంటారు. అలాగే సీడెడ్లో ఈ సినిమా రూ.1.25 కోట్లు, ఆంధ్రాలో రూ.3 కోట్లు వసూలు చేసింది. ఏపీ కాకుండా కర్ణాటక, ఇతర రాష్ట్రాల్లో కూడా ఈ సినిమా భారీగా కలెక్షన్లు రాబట్టింది. కర్నాటకలో ఈ చిత్రం రూ.25 లక్షలు, మిగితా ప్రాంతాల్లో రూ.10 లక్షలు వసూలు చేసింది. మొత్తంగా ఈ చిత్రం రూ.8 కోట్లు నికరంగా, 13 కోట్లు గ్రాస్ వసూళ్లను నమోదు చేసింది.
ఇప్పుడు 100 కోట్లకుపైగానే..
ఇక జగదేక వీరుడు అతిలోక సుందరి వసూళ్లపై ట్రేడ్ అనలిస్టులు స్పందిస్తూ.. అప్పట్లో ఈ చిత్రం బాక్సాఫీస్ను రికార్డు కలెక్షన్లతో కుదిపేసింది. అప్పట్లో 13 కోట్లు రాబట్టడం చూస్తే ఇప్పుడు పరిస్తితులకు అంచనా వేస్తే అది.. 100 కోట్ల రూపాయలకుపైగానే ఉండటానికి ఆస్కారం ఉంది అని పేర్కొన్నారు.