Yatra 2 Movie 3 Days Collections: యాత్ర 2 మూవీకి షాక్.. 50 కోట్ల సినిమాకు ఇలానా.. 3 రోజుల్లో ఎంతంటే!

తెలుగు చిత్ర పరిశ్రమలో బయోపిక్ మూవీల హవా కొనసాగుతూనే ఉంది. ఫలితాలతో ఏమాత్రం సంబంధం లేకుండా ఈ తరహా సినిమాలు రూపొందుతూనే ఉన్నాయి. ఈ క్రమంలోనే గతంలో వచ్చి సూపర్ డూపర్ హిట్ అయిన 'యాత్ర' చిత్రానికి సీక్వెల్‌గా 'యాత్ర 2'ను తెరకెక్కించారు.

ఆ చిత్రం వైఎస్ రాజశేఖర్ రెడ్డి కథతో వస్తే.. ఇది మాత్రం ప్రస్తుత ముఖ్యమంత్రి వైఎస్ జగన్ స్టోరీతో రూపొందింది. ఫలితంగా మంచి అంచనాలతో ఈ చిత్రం విడుదలైంది. మరి 'యాత్ర 2' మూవీకి 3 రోజుల్లో ప్రపంచ వ్యాప్తంగా కలెక్షన్లు ఎంత వచ్చాయో మీరు కూడా చూసేయండి!

వైఎస్ జగన్ కథతో యాత్ర 2: తమిళ స్టార్ జీవా ప్రధాన పాత్రలో రూపొందిన పొలిటికల్ మూవీనే 'యాత్ర 2'. క్రియేటివ్ డైరెక్టర్ మహీ వీ రాఘవ్ తెరకెక్కించిన ఈ సినిమాను త్రీ ఆటమ్ లీవ్స్, వీ సెల్యూలాయిడ్ సంస్థలు సంయుక్తంగా నిర్మించాయి. ఈ క్రేజీ సీక్వెల్‌కు సంతోష్‌ నారాయణన్‌ సంగీతం అందించాడు. ఇందులో వైఎస్ రాజశేఖర్ రెడ్డిగా మమ్మట్టి, వైఎస్ భారతిగా కేతకీ నారాయన్ నటించారు.

యాత్ర 2 బిజినెస్ ఎంత?: పొలిటికల్ బయోపిక్‌గా వచ్చిన 'యాత్ర 2' సినిమాపై ఆరంభంలోనే అందరిలో ఆసక్తి నెలకొంది. అందుకు అనుగుణంగానే దీని నుంచి వచ్చిన ప్రచారం చిత్రాలకు స్పందన లభించింది. ఫలితంగా ఈ సినిమా హక్కులకు మంచి పోటీ ఏర్పడింది. అందుకు అనుగుణంగానే ఈ చిత్రానికి ప్రపంచ వ్యాప్తంగా ఈ చిత్రానికి రూ. 10 కోట్లు మేర థియేట్రికల్ బిజినెస్ జరిగింది.

3వ రోజు తెలుగు వసూళ్లు: వైఎస్ జగన్‌మోహన్ రెడ్డి కథతో రూపొందిన 'యాత్ర 2' మూవీకి ఆరంభంలోనే మిక్స్‌డ్ టాక్ వచ్చింది. ఫలితంగా తెలుగు రాష్ట్రాల్లో మొదటి రోజు అనుకున్న విధంగానే రెస్పాన్స్ తక్కువగానే లభించింది. ఆ తర్వాత కూడా ఇది క్రమంగా డౌన్ అవుతూనే వస్తోంది. ఫలితంగా ఈ సినిమాకు మూడో రోజు ఆంధ్రప్రదేశ్, తెలంగాణలో కలిపి రూ. 35 లక్షలు షేర్ మాత్రమే వసూలైంది.

మూడు రోజుల్లో ఎంతంటే: రాజకీయ నేపథ్యంతో రూపొందిన 'యాత్ర 2' సినిమాకు టాక్‌కు అనుగుణంగానే తక్కువ స్పందనే వచ్చింది. దీనికితోడు రవితేజ 'ఈగల్' మూవీ నుంచి తీవ్ర స్థాయిలో పోటీ ఏర్పడింది. ఫలితంగా 'యాత్ర 2' మూవీకి మూడు రోజుల్లో తక్కువ స్పందనే వచ్చింది. అలా ఈ సినిమా తెలుగు రాష్ట్రాల్లో రూ. 2.05 కోట్లు షేర్, రూ. 4.00 కోట్లు గ్రాస్‌ను మాత్రమే రాబట్టింది.

ప్రపంచ వ్యాప్తంగా ఎంత?: జీవా ప్రధాన పాత్రలో నటించిన 'యాత్ర 2' మూవీకి దేశంలోని వేరే ప్రాంతాలతో పాటు ఓవర్సీస్‌లోనూ డల్ రెస్పాన్స్ వచ్చింది. ఫలితంగా ఈ పొలిటికల్ సినిమాకు కర్నాటక ప్లస్ రెస్టాఫ్ ఇండియాలో రూ. 30 లక్షలు, ఓవర్సీస్‌లో రూ. 20 లక్షలు షేర్ వచ్చింది. వీటితో కలిపి ప్రపంచ వ్యాప్తంగా ఈ చిత్రం 3 రోజుల్లో రూ. 2.55 కోట్లు షేర్, 4.90 కోట్లు గ్రాస్ వసూలు చేసింది.

టార్గెట్‌ ఇలా.. ఎంత రావాలి?: 'యాత్ర 2' చిత్రం ప్రపంచ వ్యాప్తంగా అన్ని ఏరియాలనూ కలుపుకుని రూ. 10.00 కోట్లు వరకూ థియేట్రికల్ బిజినెస్ చేసుకున్నట్లు తెలిసింది. అంటే ఈ చిత్రం రూ. 11 కోట్లు షేర్ బ్రేక్ ఈవెన్ టార్గెట్‌తో ప్రేక్షకుల ముందుకు వచ్చింది. మూడు రోజుల్లో దీనికి రూ. 2.55 కోట్లు షేర్ వచ్చింది. అంటే ఇది హిట్ కావాలంటే మరో రూ. 8.45 కోట్లు షేర్ రాబట్టాలి.