Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
జోకర్ కలెక్షన్ల హవా.. బాక్సాఫీస్ వద్ద హాలీవుడ్ హంగామా
భారతీయ బాక్సాఫీస్ వద్ద వార్, సైరా చిత్రాలతో పోటీ పడుతూ హాలీవుడ్ సినిమా జోకర్ చిత్రం భారీ వసూళ్లను రాబట్టడం ట్రేడ్ వర్గాలను ఆశ్చర్యానికి గురిచేస్తున్నది. జోక్విన్ ఫోనిక్స్ రూపొందించిన ఈ చిత్రం రూ.50 కోట్ల క్లబ్లో చేరింది. తాజాగా విడుదలైన ది స్కై ఈజ్ పింక్ సినిమాకు ధీటుగా ఈ సినిమా వసూళ్లు ఉండటం గమనార్హం.
హృతిక్ రోషన్, టైగర్ ష్రాఫ్ నటించిన వార్, మెగాస్టార్ చిరంజీవి నటించిన సైరా చిత్రాలతోపాటు జోకర్ చిత్రం అక్టోబర్ 2వ తేదీన ప్రేక్షకుల ముందుకు వచ్చింది. హిందీ బాక్సాఫీస్ వద్ద సైరా తేలిపోవడంతో వార్తోపాటు జోకర్ సినిమాకు ప్రేక్షకాదరణ పెరిగింది.
తొలి రోజున జోకర్ చిత్రం ఏకంగా రూ.5.15 కోట్ల వసూళ్లను రాబట్టడం విశేషం. అదే సమయంలో వార్ చిత్రం రూ.51.06 కోట్లు మొదటి రోజున కొల్లగొట్టింది. ఆ తర్వాత అదే ఊపును జోకర్ కొనసాగిస్తూ 12 రోజుల్లో రూ.50 కోట్ల క్లబ్లో చేరింది.
జోకర్ చిత్రం దేశవ్యాప్తంగా రూ.450 స్క్రీన్లలో విడుదలైంది. తొలివారంలో రూ.32.70 కోట్లు సాధించగా, రెండో వారంలో శుక్రవారం రూ.2.5 కోట్లు, శనివారం రూ.4.5 కోట్లు, ఆదివారం రూ.4.5 కోట్లు వసూలు చేసింది. రెండోవారం పూర్తయ్యే సరికి ఈ చిత్రం రూ.75 కోట్లు రాబట్టే అవకాశం ఉందని ట్రేడ్ వర్గాలు అంచనా వేస్తున్నాయి.
ఇక అదే రోజున విడుదలైన వార్ చిత్రం రూ.271.65 కోట్లు ఇప్పటి వరకు కలెక్ట్ చేసింది. రెండోవారాంతంలో రూ.33.3 కోట్లు రాబట్టడం విశేషం.