900 కోట్లు కొల్లగొట్టిన సినిమాకు సీక్వెల్.. క్లారిటీ ఇచ్చిన RRR రైటర్.. అగ్ర హీరోకు నచ్చడంతో..

రైటర్ కె.విజయేంద్రప్రసాద్

దర్శకధీరుడు రాజమౌళి తెరకెక్కించిన సినిమాలకు దాదాపు అన్నిటికీ కూడా కె.విజయేంద్రప్రసాద్ కథను అందించారు. బాహుబలి రాకముందే ఆయనకి బాలీవుడ్ లో కూడా మంచి గుర్తింపు దక్కింది. ముఖ్యంగా 2015లో వచ్చిన భజరంగీ భాయీజాన్ కథ ఏ స్థాయులో క్రేజ్ అందుకుందో స్పెషల్ గా చెప్పనవసరం లేదు.

బిగ్గెస్ట్ బాక్సాఫీస్ హిట్

సల్మాన్ ఖాన్ కెరీర్ ను మరో లెవెల్ కు తీసుకువెళ్లాడమే కాకుండా నటుడిగా కూడా ఆ హీరో మంచి గుర్తింపును అందుకున్నాడు. ప్రపంచవ్యాప్తంగా ఆ సినిమా అప్పట్లో 969.06కోట్లను వసూలు చేసి ఇండియన్ బాక్సాఫీస్ చరిత్రలోనే సరికొత్త రికార్డును అందుకుంది. సినిమాను సల్మాన్ తన సొంత ప్రొడక్షన్ లో రాక్ లైన్ వెంకటేష్ తో కలిసి 90కోట్ల బడ్జెట్ తో నిర్మించారు.

Recommended Video

Bajrangi Bhaijaan Collections in China

పాకిస్థాన్ లో కూడా బాక్సాఫీస్ హిట్

కబీర్ ఖాన్ దర్శకత్వంలో తెరకెక్కిన భజరంగీ భాయీజాన్ లో సల్మాన్ ఖాన్ సరసన కరీనా కపూర్ హీరోయిన్ గా నటించింది. హర్షాలీ మల్హోత్రా చిన్నారి పాత్రలో నటించిన విషయం తెలిసిందే. ఇక కబీర్ ఖాన్ దర్శకత్వ ప్రతిభకు ప్రతీ ఒక్కరు ఫిదా అయ్యారు. రైటర్ విజయేంద్రప్రసాద్ ఆలోచనలకు దర్శకుడు కరెక్ట్ గా రూపాన్ని ఇవ్వడంతో సినిమా పాకిస్థాన్ లో కూడా బాక్సాఫీస్ హిట్ గా నిలిచింది.

భజరంగీ భాయీజాన్ 2.. ఐడియా రెడీ!

రైటర్ విజయేంద్రప్రసాద్ భజరంగీ భాయీజాన్ కథను తెలుగులో పసివాడి ప్రాణం నుంచి ప్రేరణగా పొందినట్లు క్లారిటీ ఇచ్చిన విషయం తెలిసిందే. ఇక మరోసారి అలాంటి కథను అంధించాడనికి ఇంట్రెస్ట్ చూపిస్తున్నట్లు విజయేంద్రప్రసాద్ వివరణ ఇచ్చారు. ఇంకా స్టోరీ మొత్తం సిద్ధం కాలేదట. కానీ ఐడియా మాత్రం ఇప్పటికే సల్మాన్ ఖాన్ కు చేరవేసినట్లు వివరణ ఇచ్చారు. సల్మాన్ కూడా పాయింట్ నచ్చడంతో కథను సిద్ధం చేయమని చెప్పాడట. ప్రస్తుతం ఆ పనిలోనే బిజీగా ఉన్నట్లు వివరణ ఇచ్చారు.