Don't Miss!
- News మోదీని ప్రధానిని చెయ్యండి.. తెలంగాణాలో ముస్లిం రిజర్వేషన్లు రద్దు చేస్తాం: అమిత్ షా
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
100 కోట్లకు చేరువలో కబీర్ సింగ్... సంబరాల్లో షాహీద్, సందీప్, కియారా
అర్జున్ రెడ్డి హిందీ రీమేక్ కబీర్ సింగ్ చిత్రం బాక్సాఫీస్ వద్ద మోత మోగిస్తున్నది. రిలీజ్ తర్వాత తొలి వారాంతంలో సుమారు రూ. 71 కోట్లు వసూలు చేసిన ఈ చిత్రం కలెక్షన్ల పరంగా దూసుకుపోతున్నది. ఇక తొలి వారాంతం తర్వాత సినీ పరిశ్రమకు అగ్ని పరీక్షగా నిలిచే సోమవారం రోజున కబీర్ సింగ్ తట్టుకొని భారీ కలెక్షన్లు సాధించింది.
రిలీజ్ తర్వాత తొలి సోమవారం నాడు కబీర్ సింగ్ చిత్రం రూ.12 కోట్లు వసూలు చేసింది. దాంతో ఈ చిత్రం నాలుగు రోజుల్లోనే రూ.82.83 కోట్లు నమోదు చేసింది. షాహీద్ కపూర్ కెరీర్లో ఇది హయ్యెస్ట్ ఓపెనింగ్గా ట్రేడ్ అనలిస్టులు పేర్కొంటున్నారు.
కబీర్ సింగ్ చిత్రానికి దర్శకత్వం వహించిన సందీప్ రెడ్డి వంగపై ప్రశంసల వర్షం కురుస్తున్నది. సీనియర్ నటుడు డీనో మారియో ఈ కబీర్ సింగ్ను ప్రశంసిస్తూ టీట్ చేశారు. అద్భుతమైన సినిమా, షాహీద్ పెర్ఫార్మెన్స్ ఆహో అంటూ ట్వీట్లో పేర్కొన్నారు.
కబీర్ సింగ్ను తొలి ఆట నుంచే నెగిటివ్ రివ్యూలు వెంటాడాయి. సినీ విమర్శకుల ప్రతికూల స్పందనను ఎదురించి వసూళ్ల పరంగా దూసుకుపోవడం గమనార్హం. ఈ చిత్రానికి మహారాష్ట్ర, చెన్నైలో మంచి స్పందన లభిస్తున్నది. ఈ సినిమాకు భారీగా కలెక్షన్లు రావడంపై షాహీద్ కపూర్ గమ్మత్తుగా ఎక్స్ప్రెషన్ ఇస్తూ ఇన్స్టాగ్రామ్లో పోస్ట్ చేశారు. షాహిద్, కియారా, సందీప్ రెడ్డి వంగ ఉన్న ఆ ఫోటో ప్రస్తుతం మీడియాలో వైరల్గా మారింది.