Don't Miss!
- Sports SRH Playing XI: అతనిపై వేటు..RCBతో తుది జట్టు ఇదే!
- News Telangana: బుధవారం నుంచే సమ్మర్ హాలీడేస్..
- Finance Banking News: ప్రభుత్వ బ్యాంకులకు ఆ అధికారం లేదు.. బాంబే హైకోర్టు సంచలన తీర్పు..
- Automobiles వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- Technology అద్భుతమైన డిజైన్ తో నోకియా కొత్త ఫోన్ Nokia N90 Flip ! వివరాలు
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
యూఎస్ఏ రిపోర్ట్: ‘అర్జున్ రెడ్డి’ రికార్డ్ బద్దలు కొట్టే దిశగా ‘కబీర్ సింగ్’
షాహిద్ కపూర్ హీరోగా సందీప్ వంగా దర్శకత్వంలో తెరకెక్కిన బాలీవుడ్ చిత్రం 'కబీర్ సింగ్' బాక్సాఫీస్ వద్ద అదిరిపోయే వసూళ్లు సాధిస్తోంది. ఇప్పటికే ఇండియాలో రూ. 200 కోట్ల మార్కును క్రాస్ అయిన ఈ చిత్రం యూఎస్ఏలో సైతం కాసుల పంటపండిస్తోంది. తెలుగులో హిట్ మూవీ 'అర్జున్ రెడ్డి' రీమేక్గా రూపొందిన ఈ కల్ట్ మూవీ త్వరలోనే యూఎస్ఏలో ఒరిజినల్ వెర్సన్ లైఫ్ టైమ్ రికార్డులను బద్దలు కొట్టే అవకాశం ఉందని అంటున్నారు.
'కబీర్ సింగ్' చిత్రం తొలివారం యూఎస్ఏలో $1,124,937 వసూలు చేసింది. గతంలో తెలుగు వెర్షన్ చూసిన వారు సైతం ఈ రీమేక్ వెర్షన్లో షాహిద్ ఎలా చేశాడో వీక్షించేందుకు ఆసక్తి చూపుతున్నారు. అయితే కల్కి, బ్రోచేవారెవరురా లాంటి చిత్రాలు విడుదలవ్వడంతో రెండో వారంలో 'కబీర్ సింగ్ వసూళ్లు కాస్త తగ్గుముఖం పట్టాయి.
సెకండ్ వీకెండ్ ఈ చిత్రం యూఎస్ బాక్సాఫీస్ వద్ద $465,934 వసూలు చేసింది. దీంతో 10 డేస్ టోటల్ $1.59 మిలియన్ రీచ్ అయింది. ఫుల్ రన్లో ఈ మూవీ 2 మిలియన్ మార్క్ అందుకుంటుందా? లేదా? అనేది ఆసక్తిరంగా మారింది.
ఒరిజినల్ వెర్షన్ 'అర్జున్ రెడ్డి' బాక్సాఫీస్ వద్ద లైఫ్ టైమ్ రన్లో $1.78 మిలియన్ వసూలు చేసింది. త్వరలోనే 'కబీర్ సింగ్' ఈ మార్కును అందుకుంటుందని అంచనా వేస్తున్నారు. విజయ్ దేవరకొండ, షాహిద్ కపూర్ ఇద్దరి పెర్ఫార్మెన్స్ కంపేర్ చేస్తే ఎవరి స్టైల్లో వారు అద్భుతంగా చేశారనే అభిప్రాయాలు వ్యక్తం అవుతున్నాయి.
మరో వైపు తమిళంలో కూడా ఈ చిత్రం రీమేక్ అవుతోంది. చియాన్ విక్రమ్ తనయుడు ధృవ్ హీరోగా రూపొందుతున్న ఈ చిత్రానికి 'ఆదిత్య వర్మ' టైటిల్ ఫైనల్ చేశారు. సందీప్ వంగా దగ్గర అసిస్టెంటుగా పని చేసిన గిరీశాయ దర్శకత్వం వహిస్తున్నారు.