Don't Miss!
- News ప్రధాని మోదీ ఎదుటే కాలు మీద కాలు వేసుకుని కూర్చొన్న టీడీపీ ఎమ్మెల్యే.. తరువాత రియాక్షన్ ఏమిటంటే..?
- Sports IPL 2024 సీజన్లో చెలరేగేది ఆ కుర్రాడే: సునీల్ గవాస్కర్
- Technology సైబర్ సెక్యూరిటీ ఏజెన్సీ హై రిస్క్ అలెర్ట్.. ఈ ఫోన్లలో భద్రతా లోపాలు.. అప్డేట్ చేయకుంటే..??
- Travel దేశంలో ఒక్కోచోట ఒక్కోలా రంగుల హోలీ జరుపుతారని మీకు తెలుసా?!
- Lifestyle శరీరంలో ఈ భాగాల్లో వాపు కనబడుతుంటే, పక్కా మీ లివర్ డ్యామేజ్ అయ్యిందని అర్థం..!హెచ్చరిక
- Automobiles ప్రతి 14 నిమిషాలకు ఓ కారు మాయం.. అత్యధికంగా కార్లు చోరీ అయ్యేది ఈ నగరాల్లోనే.!!
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
చెన్నైలో కబీర్ సింగ్ హవా.. తమిళ చిత్రాలను వెనుకకు నెట్టి..
బాలీవుడ్ హీరో షాహీద్ కపూర్, కియారా అద్వానీ జంటగా నటించిన కబీర్ సింగ్ దేశవ్యాప్తంగా భారీ వసూళ్లు సాధిస్తున్న సంగతి తెలిసిందే. గత మూడు రోజుల్లో ఈ చిత్రం రూ.70 కోట్లు వసూలు చేసింది. అర్జున్ రెడ్డి చిత్రం ఆధారంగా తెరకెక్కిన ఈ చిత్రం షాహీద్ కపూర్ కెరీర్లోనే అతిపెద్ద హిట్గా నిలిచింది. ఈ చిత్రం మహారాష్ట్ర వ్యాప్తంగా భారీ వసూళ్లు సాధిస్తున్నది. గతంలో టోటల్ ఢమాల్ సాధించిన వసూళ్లను అధిగమించింది.
ఇదిలా ఉండగా, కబీర్ సింగ్ చిత్రానికి చెన్నైలో మంచి రెస్పాన్స్ లభిస్తున్నది. తమిళ చిత్రాల కంటే ముందు వరుసలో నిలువడం ట్రేడ్ వర్గాలను ఆశ్చర్యానికి గురిచేస్తున్నది. ఈ వారంలో కబీర్ సింగ్ టాప్ కలెక్షన్లు సాధించగా, రెండో స్థానంలో టాయ్ స్టోరి, మూడో స్థానంలో గేమ్ ఓవర్, 4 సథానంలో ఫకీర్, ఐదో స్థానంలో తుంబా చిత్రాలు నిలిచాయి.'
తమిళనాడులో ఈ వారం విజయ్ సేతుపతి నటించిన సింధ్బాద్ చిత్రం రిలీజ్ కావాల్సింది. అయితే బాహుబలి నిర్మాతలు శోభు యార్లగడ్డ, ప్రసాద్ దేవీనేని ఆ చిత్రంపై స్టే విధించడంతో రిలీజ్ వాయిదా పడింది. దాంతో కబీర్ సింగ్ చిత్రానికి కలిసి వచ్చింది. యూత్ను విశేషంగా ఆకర్షిస్తుండటంతో టాప్ రేంజ్కు చేరుకొన్నది.
అర్జున్ రెడ్డి చిత్రం ఆధారంగా తమిళంలో రూపొందిన వర్మ చిత్రం ఆలస్యం కావడం కూడా కబీర్ సింగ్కు కలిసి వచ్చింది. విక్రమ్ కుమారుడు ధ్రువ్ నటిస్తున్న చిత్రం వర్మ చిత్రం త్వరలోనే విడుదల కానున్నది. ఇప్పటికే వర్మ చిత్రం విడుదల కావాల్సింది. కానీ దర్శకుడు బాలాతో విభేదాల కారణంగా ఈ చిత్రం మళ్లీ రీషూట్ చేయాల్సి వచ్చింది.