Kabzaa day 2 expected Collections 50 కోట్ల మార్కు వైపు కబ్జ పరుగు.. రెండో రోజు ఎన్ని కోట్లంటే?

120 కోట్ల బడ్జెట్‌తో

కబ్జ చిత్రం అత్యంత భారీ బడ్జెట్ అంటే సుమారు 120 కోట్ల రూపాయలతో తెరకెక్కించారు. అంతే కాకుండా ఈ సినిమా బిజినెస్ కూడా భారీగానే జరిగింది. ఇక సినిమాను హిందీలో 1600 స్క్రీన్లకుపైగా రిలీజ్ చేశారు. అలాగే ఈ సినిమాను ప్రపంచవ్యాప్తంగా 3000 లకుపైగా స్క్రీన్లలో ప్రదర్శిస్తున్నారు. కేజీఎఫ్ తర్వాత ఈ రేంజ్‌లో ప్రదర్శిస్తున్న కన్నడ చిత్రంగా రికార్డుకెక్కింది.

కబ్జ తొలి రోజు కలెక్షన్లు

ఇక కబ్జ చిత్రం తొలి రోజున భారీగానే కలెక్షన్లను రాబట్టింది. ప్రపంచవ్యాప్తంగా కలెక్షన్ల వివరాల్లోకి వెళితే.. కన్నడలో 8 కోట్ల వరకు, అలాగే తెలుగు రాష్ట్రాలో 1.45 కోట్లు, మిగితా రాష్ట్రాల్లో 1 కోటి రూపాయల వరకు, హిందీలో 60 లక్షల వరకు వసూళ్లను రాబట్టింది. దాంతో ఈ చిత్రం 12.65 కోట్ల వసూళ్లను ఇండియాలో, ఓవర్సీస్ కలుపుకొని దాదాపు 28 కోట్ల గ్రాస్ వసూళ్లను నమోదు చేసింది.

రెండో రోజు కబ్జ ఆక్యుపెన్సీ

కబ్జ చిత్రం రెండో రోజు ఆక్యుపెన్సీ విషయానికి వస్తే.. కన్నడలో ఈ చిత్రం దాదాపు 36 శాతం ఆక్యుపెన్సీని నమోదు చేయగా, తెలుగులో దాదాపు 25 శాతం ఆక్యుపెన్సీతో ప్రదర్శించబడింది. హిందీలో ఈ సినిమాకు పెద్దగా స్పందన రావడం లేదు. ఉత్తరాదిలో ఈ సినిమా 15 శాతం ఆక్యుపెన్సీ నమోదు చేసిందని ట్రేడ్ వర్గాలు వెల్లడించాయి.

కబ్జా రెండో రోజు కలెక్షన్ల అంచనా

కబ్జా చిత్రం రెండో రోజు బాక్సాఫీస్ రిపోర్టు విషయానికి వస్తే.. ఇండియాలో భారీగానే వసూళ్లు నమోదు చేసిందనే వార్తలు వస్తున్నాయి. ఈ సినిమా తొలి రోజు కంటే కాస్త తక్కువగానే అంటే ఇండియాలో అన్ని భాషల్లో సుమారు 8 కోట్ల వరకు కలెక్షన్లను రాబట్టవచ్చనే అంచనాను ట్రేడ్ వర్గాలు వేశాయి.

కబ్జా ప్రపంచవ్యాప్తంగా రెండో రోజు

కబ్జ చిత్రం ప్రపంచవ్యాప్తంగా కలెక్షన్ల విషయానికి వస్తే.. ఈ చిత్రం ఇండియాలో 8 కోట్లు, ఓవర్సీస్‌లో దాదాపు 4 కోట్లతో మొత్తంగా 12 కోట్ల షేర్.. 20 కోట్ల గ్రాస్ రాబట్టవచ్చని అంచనా వేస్తున్నారు. తొలి రోజు 26 కోట్లు, రెండో రోజు 20 కోట్ల గ్రాస్‌తో 50 కోట్లకు చేరువ కావోచ్చని ట్రేడ్ వర్గాలు వెల్లడిస్తున్నాయి.