Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
15 ఏళ్ల కల చెదిరింది.. కరణ్ జోహర్కు భారీ దెబ్బ.. కళంక్ థియేటర్లన్నీ ఖాళీ.. ఎంత నష్టమంటే
బాలీవుడ్లో భారీ బడ్జెట్, హై ప్రొఫైల్ యాక్టర్లతో రూపొందిన కళంక్ చిత్రానికి బాక్సాఫీస్ వద్ద ప్రేక్షకులు చుక్కలు చూపించారు. ఇప్పటికే థగ్స్ ఆఫ్ హిందుస్థాన్ సినిమా ఫ్లాప్తో బేజారెత్తిన బాలీవుడ్కు కళంక్ రూపంలో మరో భారీ జట్కా తగిలింది. భారీ అంచనాల మధ్య రిలీజైన ఈ చిత్రం పేలవమైన ప్రదర్శన కారణంగా దారుణమైన వసూళ్లు నమోదవుతున్నాయి. అలియాభట్, వరుణ్ ధావన్, ఆదిత్య రాయ్ కపూర్, సోనాక్షి సిన్హా, మాధురి దీక్షిత్, సంజయ్ దత్ లాంటి అగ్ర తారలు నటించిన సినిమాను ప్రేక్షకులు తిరస్కరించడం ట్రేడ్ వర్గాలు ఆశ్చర్యానికి గురిచేస్తున్నాయి. వివరాల్లోకి వెళితే...
15 ఏళ్ల నాటి డ్రీమ్ ప్రాజెక్ట్
కళంక్ సినిమాకు బాలీవుడ్లో ఓ ప్రత్యేకత ఉంది. కరణ్ జోహర్ తండ్రి యష్ జోహర్ డ్రీమ్ సినిమా ఇది. గతంలో ఈ సినిమాను నిర్మించాలనుకొన్న యష్.. కొన్ని కారణాల వల్ల ఈ కథను తెర మీదకు మలచలేకపోయారు. దాదాపు 15 ఏళ్ల తర్వాత ఈ కథను తాజా పరిస్థితులు, టెక్నాలజీకి అనుగుణంగా కరణ్ జోహర్ తీర్చి దిద్దారు. దాంతో సినిమాపై అన్ని వర్గాల్లో ఆసక్తి పెరిగింది.
మొదటి రోజు దండిగా వసూళ్లు
కళంక్ చిత్రం శుక్రవారం కాకుండా రెండు రోజుల ముందే అంటే ఏప్రిల్ 17నే ప్రేక్షకుల ముందుకు వచ్చింది. తొలి రోజు దండిగానే కలెక్షన్లు రాబట్టింది. ఆ తర్వాత ఏ రోజు కూడా వసూళ్ల వేగం పుంజుకోలేకపోయింది. గుడ్ ఫ్రైడే, హనుమాన్ జయంతి హాలీడేస్లో కూడా ప్రేక్షకులను థియేటర్లకు పరుగులు పెట్టించలేకపోయింది.
చైనాలో వసూళ్ల సునామీ... రాధికా ఆప్టే, టబు సినిమా మ్యాజిక్.. కోట్ల కనక వర్షం
రూ.100 కోట్ల క్లబ్ వద్ద
దాంతో కళంక్ చిత్రం భారీ అంచనాల మధ్య ప్రేక్షకుల ముందుకు వచ్చింది. తొలి రోజు వసూళ్లను చూసి రూ.100 కోట్ల క్లబ్ను అవలీలగా దాటేస్తుందని అనుకొన్నారు. అయితే ఈ చిత్రం గత ఏడురోజుల్లో రూ.75 కోట్లు కూడా దాటకపోవడం ట్రేడ్ వర్గాలను షాక్ గురిచేసింది. ఇక ఏ సినిమా సత్తాను పరీక్షించే తొలి సోమవారం రోజున కలెక్షన్లు క్షీణించడంతో కళంక్ కథ కంచికే అనే భావన వ్యక్తమవుతున్నది.
బాక్సాఫీస్ వద్ద 70 శాతం క్షీణత
ప్రస్తుతం బాక్సాఫీస్ వద్ద కళంక్ కలెక్షన్లు గత కొద్దిరోజులతో పోల్చుకొంటే 70 శాతం క్షీణించాయి. శనివారం రూ.9.75 కోట్లు, ఆదివారం రోజున ఈ చిత్రం 11.63 కోట్లు వసూలు చేశాయి. ఇక లిట్మస్ టెస్ట్గా భావించే సోమవారం ఈ చిత్రం కేవలం రూ.3.50 కోట్లను మాత్రమే వసూలు చేయడం గమనార్హం.
రూ.50 కోట్లకుపైనే నష్టం
కళంక్ చిత్రం దాదాపు రూ.150 కోట్ల వ్యయంతో తెరకెక్కింది. ఈ చిత్రం కనీసం రూ.100 కోట్లు దాటే పరిస్థితి కనిపించడం లేదు. ఇక వచ్చే వారం బాక్సాఫీస్ వద్ద భారీ చిత్రాలు సందడి చేయనున్నాయి. ఈ సినిమాకు ప్రధానంగా అవెంజర్స్: ఎండ్ గేమ్ చిత్రం నుంచి భారీ ముప్పు పొంచి ఉంది. అంతేకాకుండా మరికొన్ని బాలీవుడ్ చిత్రాలు కూడా ప్రేక్షకుల ముందుకు రానుండటం తెలిసిందే. దాంతో సుమారు రూ.50 కోట్లకుపైగానే నష్టం వాటిల్లే పరిస్థితి కనిపిస్తున్నది.