Don't Miss!
- Finance Sensex News: 1000 పాయింట్లు పెరిగిన సెన్సెక్స్.. దలాల్స్ట్రీట్ దున్నేస్తున్న బుల్స్..
- News ఏపీలో విపక్షాల ఫిర్యాదుల వేళ ఈసీ కీలక నిర్ణయం..! ఢిల్లీ నుంచి ఆ ముగ్గురు..
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
రాఘవ లారెన్స్ ‘గంగ’ కలెక్షన్స్ రూ. 50 కోట్లు దాటింది
హైదరాబాద్: రాఘవ లారెన్స్ దర్శకత్వంలో కాంచన మూవీకి సీక్వెల్గా తెరకెక్కిన కాంచన-2 (తెలుగులో ‘గంగ') చిత్రం బాక్సాఫీసు వద్ద మంచి ఫలితాలను రాబట్టింది. కామెడీ అండ్ హారర్ ఎలిమెంట్స్ తో తెరకెక్కిన ఈ చిత్రం తమిళ వెర్షన్ తాజాగా రూ. 50 కోట్ల మార్కును అందుకుంది.
తమిళనాడు, కేరళ, కర్నాటకలో రెండు వారాలు పూర్తి చేసుకున్న ఈ మూవీ భారీ మొత్తంలో వసూళ్లు చేసి లాభాలు తేవడంతో నిర్మాతలు, డిస్ట్రిబ్యూటర్లు హ్యాపీగా ఉన్నారు. తెలుగు వెర్షన్ ‘గంగ' కూడా వసూళ్లు పరంగా డిస్ట్రిబ్యూటర్లకు సంతృప్తిని మిగిల్చింది. మొత్తం కలిపితే ఈ వసూళ్లు రూ. 50 కోట్ల పైనే ఉంటుందని అంచనా.
ఈ మధ్య కాలంలో సరైన హిట్ లేని లారెన్సతో పాటు తాప్సీకి కూడా ఈ చిత్ర విజయం మంచి ఉత్సాహాన్ని ఇచ్చింది. సినిమాలో కామెడీ ఎలిమెంట్స్, హారర్ ఎలిమెంట్స్ ఆకట్టుకునే విధంగా ఉండటంతో సినిమా చూడటానికి థియేటర్లకు వెళ్లే వారి సంఖ్య పెరుగుతోంది. సినిమా చూసిన వారంతా మంచి వినోదాత్మక చిత్రంగా ప్రశంసిస్తున్నారు.
ఈ సినిమా విజయం సాధించడంతో...దీనికి సీక్వెల్ గా మరో సినిమా చేయడానికి రెడీ అవుతున్నారు లారెన్స్. రాఘవ లెరెన్స్, తాప్సీ జంటగా నటించిన ఈ భారీ చిత్రానికి ఫోటోగ్రఫీ: కిచ్చా, సంగీతం: థమన్, సమర్పణ: మల్టీ డైమన్షన్ ఎంటర్ టైన్మెంట్స్, నిర్మాతలు: బెల్లంకొండ సురేష్, బెల్లకొండ గణేష్ బాబు, కథ-స్క్రీన్ ప్లే-కొరియోగ్రఫీ-దర్శకత్వం: రాఘవ లారెన్స్.