Vikrant Rona Telugu Collections: తెలుగులో సంచలనం.. అన్ని కోట్ల టార్గెట్ ఔట్.. 8వ సినిమాగా రికార్డు

విక్రాంత్ రోణగా వచ్చేసిన సుదీప్

కిచ్చా సుదీప్ - అనూప్ భండారి కలయికలో వచ్చిన అడ్వెంచర్ థ్రిల్లర్ మూవీనే 'విక్రాంత్ రోణ'. ఇందులో జాక్వెలిన్ ఫెర్నాండేజ్ హీరోయిన్ కాగా.. నిరూప్ భండారి, నీతా అశోక్ కీలక పాత్రలు చేశారు. ఈ మూవీని కిచ్చా క్రియేషన్స్, శాలినీ ఆర్ట్స్ బ్యానర్లపై శాలినీ జాక్ మంజు, అలంకార్ పాండియన్ సంయుక్తంగా నిర్మించారు. దీనికి అజనీష్ లోక్‌నాథ్ మ్యూజిక్ అందించాడు.

బిజినెస్‌కు తగ్గట్లే గ్రాండ్‌గా రిలీజ్

కిచ్చా సుదీప్ కన్నడ హీరోనే అయినా తెలుగు రాష్ట్రాల్లోనూ ఆయనకు మంచి ఫాలోయింగ్ ఉంది. దీనికి తోడు విజువల్ వండర్‌గా రూపొందిన 'విక్రాంత్ రోణ'పై భారీ అంచనాలు నెలకొన్నాయి. అందుకు అనుగుణంగానే దీనికి భారీ డిమాండ్ ఏర్పడింది. ఈ నేపథ్యంలో ఆంధ్రా, తెలంగాణలో కలిపి ఈ సినిమాకు రూ. 1.25 కోట్లు బిజినెస్ జరిగినట్లు ట్రేడ్ వర్గాల ద్వారా తెలిసింది.

మూడో రోజు ఎక్కడ ఎంతొచ్చింది

'విక్రాంత్ రోణ'కు ఆంధ్రా, తెలంగాణలో 3వ రోజు కలెక్షన్లు పెరిగాయి. ఫలితంగా నైజాంలో రూ. 16 లక్షలు, సీడెడ్‌లో రూ. 7 లక్షలు, ఉత్తరాంధ్రలో రూ. 8 లక్షలు, ఈస్ట్ గోదావరిలో రూ. 5 లక్షలు, వెస్ట్ గోదావరిలో రూ. 4 లక్షలు, గుంటూరులో రూ. 6 లక్షలు, కృష్ణాలో రూ. 5 లక్షలు, నెల్లూరులో రూ. 2 లక్షలతో.. రెండు రాష్ట్రాల్లో రూ. 53 లక్షలు షేర్‌తో పాటు రూ. 1 కోట్లు గ్రాస్ వచ్చింది.

3 రోజులకు కలిపి ఎంత వచ్చింది

'విక్రాంత్ రోణ'కు 3 రోజుల్లో కలెక్షన్లు మంచిగానే వచ్చాయి. ఫలితంగా నైజాంలో రూ. 74 లక్షలు, సీడెడ్‌లో రూ. 24 లక్షలు, ఉత్తరాంధ్రలో రూ. 26 లక్షలు, ఈస్ట్ గోదావరిలో రూ. 15 లక్షలు, వెస్ట్ గోదావరిలో రూ. 12 లక్షలు, గుంటూరులో రూ. 18 లక్షలు, కృష్ణాలో రూ. 14 లక్షలు, నెల్లూరులో రూ. 8 లక్షలతో.. రెండు రాష్ట్రాల్లో రూ. 1.91 కోట్లు షేర్, రూ. 3.70 కోట్లు గ్రాస్ వసూలు అయింది.

బ్రేక్ ఈవెన్ టార్గెట్.. లాభమెంత?

క్రేజీ కాంబోలో వచ్చిన 'విక్రాంత్ రోణ' మూవీకి అంచనాలకు అనుగుణంగానే ఆంధ్రప్రదేశ్, తెలంగాణలో కలిపి రూ. 1.25 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 1.50 కోట్లుగా నమోదైంది. ఇక, 3 రోజుల్లో దీనికి భారీ స్థాయిలో రూ. 1.91 కోట్లు వచ్చాయి. అంటే హిట్ స్టేటస్‌తో పాటు రూ. 41 లక్షలు లాభాలు కూడా వచ్చాయి.

తెలుగులో ఎనిమిదో సినిమాగా

విజువల్ వండర్‌గా రూపొందిన 'విక్రాంత్ రోణ' మూవీకి తెలుగు రాష్ట్రాల్లో కలెక్షన్లు భారీ స్థాయిలో వచ్చాయి. ఫలితంగా మూడు రోజుల్లోనే ఇది బ్రేక్ ఈవెన్ టార్గెట్‌ను చేరుకుని హిట్ అయింది. దీంతో 2022లో 'బంగార్రాజు', 'డీజే టిల్లు', 'RRR', 'డాన్', 'కేజీఎఫ్ చాప్టర్ 2', 'మేజర్', 'విక్రమ్' తర్వాత హిట్ అయిన ఎనిమిదో సినిమాగా రికార్డును క్రియేట్ చేసింది.

ప్రపంచ వ్యాప్తంగా అన్ని కోట్లు

కిచ్చా సుదీప్ నటించిన 'విక్రాంత్ రోణ' మూవీకి ప్రపంచ వ్యాప్తంగా అన్ని ఏరియాలను కలుపుకుని మూడు రోజుల్లో రూ. 68 - 73 కోట్లు గ్రాస్ వసూలు అయినట్లు ట్రేడ్ వర్గాలు వెల్లడించాయి. అలాగే, ఈ చిత్రానికి రూ. 30 - 35 కోట్లు షేర్ వరకూ వచ్చినట్లు తెలిసింది. దీంతో ఈ సినిమా హిట్ అవ్వాలంటే మరో రూ. 40 కోట్లు వరకూ వసూలు చేయాల్సిన పరిస్థితి ఏర్పడింది.