Vikrant Rona: 5వ రోజు దారుణంగా పడిపోయిన వసూళ్లు.. అయినా కోట్లలో లాభం.. ఎన్ని కోట్లు అంటే?

73.50 కోట్లు బిజినెస్

కిచ్చా సుదీప్ హీరోగా అనూప్ భండారి రూపొందించిన విజువల్ వండర్ మూవీ 'విక్రాంత్ రోణ'. ఇందులో జాక్వెలిన్ ఫెర్నాండేజ్ హీరోయిన్ గా నటించగా నిరూప్ భండారి, నీతా అశోక్ కీలక పాత్రలు చేశారు. ఈ మూవీని కిచ్చా క్రియేషన్స్, శాలినీ ఆర్ట్స్ బ్యానర్లపై శాలినీ జాక్ మంజు, అలంకార్ పాండియన్ సంయుక్తంగా నిర్మించారు. ఈ సినిమాకు అజనీష్ లోక్‌నాథ్ సంగీతం అందించగా సినిమాకు ప్రపంచ వ్యాప్తంగా ఉన్న అన్ని ఏరియాలను కలుపుకుని రూ. 73.50 కోట్లు బిజినెస్ జరిగింది.

5వ రోజు ఎక్కడ ఎంత వచ్చింది?

ఆంధ్రా, తెలంగాణలో 'విక్రాంత్ రోణ' 5వ రోజు వసూళ్ళలో చాలా డ్రాప్ కనిపిస్తోంది. ఈ క్రమంలో నైజాంలో రూ. 16 లక్షలు, సీడెడ్‌లో రూ. 5 లక్షలు, ఉత్తరాంధ్రలో రూ. 5 లక్షలు, ఈస్ట్ గోదావరిలో రూ. 3 లక్షలు, వెస్ట్ గోదావరిలో రూ. 2 లక్షలు, గుంటూరులో రూ. 3 లక్షలు, కృష్ణాలో రూ. 3 లక్షలు, నెల్లూరులో రూ. 1 లక్షలతో.. రెండు రాష్ట్రాల్లో రూ. 0.38 కోట్లు షేర్‌, రూ.0.75 కోట్లు గ్రాస్ వచ్చింది.

5 రోజులకు కలిపి ఎంత వచ్చింది?

'విక్రాంత్ రోణ'కు 5 రోజుల్లో కలెక్షన్లు భారీగానే వచ్చాయి. ఫలితంగా నైజాంలో రూ. 1.34 కోట్లు, సీడెడ్‌లో రూ. 43 లక్షలు, ఉత్తరాంధ్రలో రూ. 41 లక్షలు, ఈస్ట్ గోదావరిలో రూ. 26 లక్షలు, వెస్ట్ గోదావరిలో రూ. 19 లక్షలు, గుంటూరులో రూ. 29 లక్షలు, కృష్ణాలో రూ. 25 లక్షలు, నెల్లూరులో రూ. 13 లక్షలతో.. రెండు రాష్ట్రాల్లో రూ. 3.30 కోట్లు షేర్, రూ. 6.55 కోట్లు గ్రాస్ వసూలు అయింది.

బ్రేక్ ఈవెన్ టార్గెట్.. లాభమెంత?

విజువల్ వండర్‌గా వచ్చిన 'విక్రాంత్ రోణ' మూవీకి అంచనాలకు అనుగుణంగానే ఆంధ్రప్రదేశ్, తెలంగాణలో కలిపి రూ. 1.25 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 1.50 కోట్లుగా నమోదైంది. ఇక, 5 రోజుల్లో దీనికి భారీ స్థాయిలో రూ. 3.30 కోట్లు వచ్చాయి. అంటే హిట్ స్టేటస్‌తో పాటు రూ. 1.80 కోట్లు లాభాలు కూడా వచ్చాయి. 'విక్రాంత్ రోణ' మూవీకి ప్రపంచ వ్యాప్తంగా అన్ని ఏరియాలను కలుపుకుని ఐదు రోజుల్లో రూ. 72 కోట్లు షేర్ వరకూ వచ్చినట్లు తెలిసింది.