Lenin Box Office Collections: 5వ రోజు లెనిన్ బాక్సాఫీస్ జోరు.. అఖిల్ మూవీకి ఎన్ని కొట్లంటే?

అక్కినేని నట వారసుడు అఖిల్ నటించిన లెనిన్ చిత్రం బాక్సాఫీస్ వద్ద భారీ కలెక్షన్లతో దూసుకుపోతున్నది. ఈ చిత్రం విడుదలైన ప్రతీ సెంటర్‌లోను రికార్డు వసూళ్లను నమోదు చేస్తున్నది. కేవలం మూడు రోజుల్లోనే బ్రేక్ ఈవెన్ సాధించడమే కాకుండా డిస్టిబ్యూటర్లు, ఎగ్జిబ్యూటర్లకు లాభాలను పంచిపెడుతున్నది. ఈ సినిమా గత నాలుగు రోజులుగా ట్రేడ్ వర్గాల అంచనాలను మంచి కలెక్షన్లను వసూలు చేస్తున్నదని సినిమా నిర్మాతలు నాగార్జున, నాగవంశీ అధికారికంగా ప్రకటించారు. గత 4 రోజుల కలెక్షన్ల వివరాల్లోకి వెళితే..

తెలుగు రాష్ట్రాల్లో ఈ సినిమా తొలి రోజు 7.15 కోట్ల రూపాయల నెట్, రెండో రోజు 8.65 కోట్ల రూపాయల నెట్, మూడో రోజు 9.65 కోట్ల రూపాయల నెట్, నాలుగో రోజు 3.6 కోట్ల రూపాయల నెట్ వసూళ్లను రాబట్టింది. ఈ చిత్రం 4 రోజుల్లో 29 కోట్ల రూపాయలు వసూలు చేసింది అని సాక్ నిక్ వెల్లడించింది.

ఇండియాలో కలెక్షన్ల విషయానికి వస్తే..ఈ సినిమా ఆంధ్రా, నైజాంలో కలిపి 29 కోట్ల రూపాయలు, కర్ణాటకలో 3.5 కోట్ల రూపాయలు, తమిళనాడులో 50 లక్షలు, ఇతర రాష్ట్రాల్లో 50 లక్షల రూపాయలు వసూలు చేసింది. దాంతో ఈ సినిమా 33.5 కోట్ల రూపాయల నెట్ వసూళ్లను రాబట్టింది. ఇక ఈ చిత్రం ఓవర్సీస్‌లో ఈ సినిమా 550K డాలర్లు అంటే 5.3 కోట్ల రూపాయలు వసూలు చేసింది అని శ్లోక ఎంటర్‌టైన్‌మెంట్ తెలిపింది.

లెనిన్ చిత్రం వరల్డ్ వైడ్ సాధించిన కలెక్షన్ల వివరాల్లోకి వెళితే.. ఈ చిత్రం తొలి రో జు 16.7 కోట్ల రూపాయల గ్రాస్, రెండో రోజు 14.7 కోట్ల గ్రాస్, మూడో రోజు 29.8 కోట్లు, నాలుగో రోజు 6.1 కోట్ల రూపాయలు గ్రాస్ వసూలు చేసింది. దాంతో ఈ చిత్రం 4 రోజుల్లో 67.2 కోట్ల రూపాయల గ్రాస్ కలెక్షన్లను నమోదు చేసింది అని అన్నపూర్ణ స్టూడియోస్, సితారా ఎంటర్‌టైన్‌మెంట్ అధికారికంగా ప్రకటించింది.

ఇక 5వ రోజు కలెక్షన్ల వివరాల్లోకి వెళితే.. ఈ సినిమా నిలకడగా వసూళ్లను సాధించే అవకాశాలు కనిపిస్తున్నాయి.ఈ చిత్రం 5వ రోజు 3.5 నుంచి 4 కోట్ల రూపాయలు వసూలు చేయవచ్చని అంచనా వేస్తున్నారు. దాంతో ఈ సినిమా 70 కోట్లకుపైగా కలెక్షన్లను రాబట్టే అవకాశాలు స్పష్టంగా ఉన్నాయి అని ట్రేడ్ వర్గాలు వెల్లడించాయి.

హీరోయిన్ భాగ్యశ్రీ భోర్సే జంటగా నటించిన లవ్, ఎమోషనల్, డివోషనల్ రూరల్ డ్రామా లెనిన్ అన్ని వర్గాల ప్రేక్షకులను ఆకట్టుకొంటున్నది. ఈ చిత్రానికి మురళీ కిషోర్ అబ్బూరు దర్శకత్వం వహించారు. ఈ చిత్రాన్ని మనం ఎంటర్‌ప్రైజెస్ ఎల్ఎల్‌పీ, సితారా ఎంటర్‌టైన్‌మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ నిర్మించారు. అన్నపూర్ణ స్టూడియో సమర్పిస్తున్నది. ఈ చిత్రంలో శివాజీ, రాజీవ్ కనకాల, బ్రహ్మాజీ, సునీల్, రమేశ్ ఇందిరా తదితరులు నటించారు.

ఈ సినిమా సాంకేతిక విభాగాల విషయానికి వస్తే. సినిమాటోగ్రఫి: లియోన్ బ్రిట్టో, మ్యూజిక్ డైరెక్టర్: థమన్ ఎస్, ఎడిటర్: నవీన్ నూలీ, యాక్షన్ కోరియోగ్రఫి: దిలీప్ సుబ్బరాయన్, రామ్ లక్ష్మణ్, విజయ్, రియల్ సతీష్, ప్రొడక్షన్ డిజైనర్: అవినాష్ కొల్ల, కొరియోగ్రఫి: దినేష్ మాస్టర్ తదితరులు తమ బాధ్యతలను నిర్వర్తించారు. ఈ సినిమా జూలై 10వ తేదీన గ్రాండ్‌గా రిలీజైంది