Don't Miss!
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- News మైండ్ బ్లాక్, డీసీఎం తమ్ముడి ఆస్తుల విలువ..? తల్లి, అన్న దగ్గర అప్పులు చేసిన సిట్టింగ్ ఎంపీ!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మూడు వారాల తర్వాత చెన్నైలో.. 'మహర్షి' మరో అరుదైన ఫీట్
మహేష్ బాబు హీరోగా వంశీ పైడిపెల్లి దర్శకతంలో రూపొందిన చిత్రం మహర్షి. మే 9 వ తేదీన విడుదలైన ఈ సినిమా ఇప్పటికే 3 వారాలు పూర్తిచేసుకుంది. విడుదలైన రోజు నుంచి నేటి వరకు కలెక్షన్స్ పరంగా ఏ మాత్రం వెనక్కి తహగ్గకుండా దూసుకుపోతూనే ఉంది. చిత్రంలో మహేష్ నటన, సామాజిక అంశాల పట్ల పాజిటివ్ రెస్పాన్స్ వస్తోంది. కలెక్షన్ల పంట పండిస్తూ మహేష్ కెరీర్ లోనే బిగ్గెస్ట్ హిట్గా నిలుస్తున్న ఈ సినిమా చెన్నైలో ఆ అరుదైన ఫీట్ సాధించింది.
సూపర్ స్టార్ మహేష్ బాబుకి తమిళ ఆడియన్స్ పరంగా కూడా ప్రత్యేకమైన క్రేజ్ ఉంది. మహేష్ కెరీర్ లో వచ్చిన అన్ని సినిమాలకు చెన్నై నగరంలో మంచి ఆదరణ లభిస్తుంటుంది. ఈ నేపథ్యంలో ఇటీవలే విడుదలైన మహర్షి సైతం చెన్నై కలెక్షన్స్ పరంగా తన హవా కొనసాగించింది. విడుదలైన 18 రోజుల్లోనే చెన్నైలో కోటి రూపాయలకు పైగా వసూలు చేసి అరుదైన ఘనత సాధించింది. గతంలో మహేష్ హీరోగా వచ్చిన భరత్ అనే నేను అంతకుముందు ఈ ఫీట్ సాధించిన ఏకైక సినిమాగా ఉండేది. ఇప్పుడు ఆ సినిమా సరసన మహర్షి కూడా వచ్చి చేరింది.
ప్రపంచ వ్యాప్తంగా చూసినా మహర్షి సినిమా ఇప్పటికీ డీసెంట్ రన్ లో ఉంది. కేవలం రెండు వారాల్లోనే 150 కోట్లకు పైగా వసూళ్లు రాబట్టి రికార్డు సృష్టించిన ఈ సినిమా నేటికీ పరుగులు పెడుతోంది. ఈ పరుగులు చూస్తుంటే మహేష్ కెరీర్ లో ఈ సినిమా మరో మైల్ స్టోన్ అవుతుందని తెలుస్తోంది. చిత్రంలో మహేష్ బాబు, పూజా హెగ్డే, అల్లరి నరేష్ నటన బాగా ఆకట్టుకుంది. రైతు నేపథ్యంలో రూపొందించిన కొన్ని సీన్స్ సినిమాలో హైలైట్ గా నిలవడమే గాక సినీ, రాజకీయ ప్రముఖుల ప్రశంసలు సైతం అందుకున్నాయి. ఈ సినిమా ఇచ్చిన జోష్ లో మహేష్ తన 26 వ సినిమా కోసం సన్నద్ధమవుతున్నారు.