‘మహర్షి’ ఫస్ట్ డే కలెక్షన్: ‘నాన్ బాహుబలి’ రికార్డులు ధ్వంసం...

నైజాంలో నాన్ బాహుబలి2 రికార్డులన్నీ బద్దలు

నైజాం ఏరియాకు ‘మహర్షి' రైట్స్ రూ. 22 కోట్లు లెక్కకట్టారు. ఇక్కడ ఈ చిత్రాన్ని దిల్ రాజు సొంతగా రిలీజ్ చేశారు. తొలి రోజు రూ. 6.38 కోట్లు షేర్ వసూలు చేసింది. దీంతో బాహుబలి 2 మినహా ఇప్పటి వరకు నైజాం ఏరియాలో ఉన్న రికార్డులన్నీ బద్దలయ్యాయి.

నైజాం టాప్ రికార్డులు ఇవే..

బాహుబలి 2 మూవీ రూ. 8.92 కోట్ల తొలి రోజు షేర్ సాధించి నైజాం ఏరియాలో నెం.1 స్థానంలో కొనసాగుతోంది. దీని తర్వాతి స్థానంలో బాహుబలి 1(రూ. 6.29 కోట్లు) ఉండగా... ఆ స్థానాన్ని ఇపుడు ‘మహర్షి' ఆక్రమించింది. ఎన్టీఆర్ మూవీ ‘అరవింద సమేత'(రూ. 5.77 కోట్లు)తో తర్వాతి స్థానంలో ఉంది.

గుంటూరులోనూ కలెక్షన్ల విధ్వంసమే

గుంటూరులో ఈ చిత్రం తొలి రోజు రూ. 4.40 కోట్ల షేర్ వసూలు చేసింది. దీంతో ఇక్కడ సైతం నాన్ బాహుబలి రికార్డ్ బద్దలైనట్లయింది. మహర్షి తర్వాత స్థానంలో రూ. 4.18 కోట్ల వసూళ్లతో ‘వినయ విధేయ రామ', రూ. 4.16 కోట్ల వసూళ్లతో ‘అరవింద సమేత' చిత్రాలు ఉన్నాయి.

కృష్ణ జిల్లాలోనూ మహర్షి జోరు

కృష్ణ జిల్లాలో మహర్షి జోరు కొనసాగింది. తొలి రోజు రూ. 1.39 కోట్లు వసూలు చేసింది. మహేష్ గత చిత్రం భరత్ అనే నేను (రూ. 1.31 కోట్లు) చిత్రాన్ని అధిగమించింది. అయితే ఇక్కడ నాన్ బాహుబలి రికార్డులను మహేష్ బాబు మూవీ దాటలేక పోయినప్పటికీ మంచి వసూళ్లే సాధించింది.

నెల్లూరు ఏరియాలో

మహర్షి మూవీ నెల్లూరు ఏరియాలో తొలి రోజు రూ. 1,00,78,244 రాబట్టింది. ఈ ఏరియా థియేట్రికల్ రైట్స్ రూ. 3 కోట్లకు అమ్మారు. తొలి రోజే రూ. 1 కోటికి పైగా షేర్ రాబట్టడంతో త్వరలోనే వీరు లాభాల్లోకి వెళ్లడం ఖాయంగా కనిపిస్తోంది.

ఈస్ట్, వెస్ట్‌లో వసూళ్ల జోరు

మరో వైపు ఈస్ట్ గోదావరి, వెస్ట్ గోదావరి ఏరియాల్లో తొలి రోజు అద్భుతమైన వసూళ్లు సాధించింది. వెస్ట్ గోదావరిలో రూ. 2.46 కోట్ల షేర్ రాబట్టింది. ఇక్కడ రైట్స్ రూ. 5.70 కోట్లకు అమ్మారు. దీంతో మొదటి రోజు సగం పెట్టుబడి రాబట్టినట్లయింది. ఈస్ట్ గోదావరి రైట్స్ రూ. 6.80 కోట్లకు అమ్మగా... తొలి రోజే రూ. 3.20 కోట్లు వసూలు చేసింది.